هجوم على هيثم وجيه بعد ترجمته لبوستات أجنبية.. ساخرون: حل بسيط للشهرة

شن رواد موقع التواصل الاجتماعى تويتر هجوما حادا على الناشط "هيثم وجيه" بعد اكتشاف ترجمته لبوستات أجنبية ونقلها نصا وعدم كتابتها من وحى التجربة والخيال، عبر هاشتاج حمل اسمه، ويعد هيثم وجيه من أكبر المتفاعلين على موقع التواصل الاجتماعى فيس بوك لنشره إرشادات ونصائح يومية عبر صفحته.
فى البداية غرد أحمد شوقى عبر الهاشتاج، قائلا "هيثم وجيه طلع كل تويتاته عبارة عن ترجمة لتويتات بالإنجليزى، بس فى حجات بتبقى من عنده زى النقطه وعلامة استفهام، و ليه تتعب مخك وتفكر لما ممكن تترجم وتسرق وتتشهر".
وقال محمد إبراهيم عبر الهاشتاج، "لو عاوز تبقى مشهور زى هيثم وجيه حل بسيطة جدا استخدم Google translate"، وغرد آخر ساخرا "أيوه يا محمد أبوك لقى تويتات إنجليزى مدفونه فى التايم لاين.. انزل البد ضرورى وهات معاك هيثم وجيه يترجمها".
وفى السياق ذاته دافع عدد من رواد تويتر عن هيثم وجيه ، قائلين "الشخص اللى قعد يعمل سيرش ومقارنات وسكرين شوت حيث الفراغ قاتله، هيثم ده برنس بس كده كفاية تجريح فيه".
رد هيثم وجيه على الفيس بوك
من جانبه رد "هيثم وجيه" عبر صفحته الشخصية على الفيس بوك، بعد الهجوم عليه، قائلا " هى الفكرة إنى لو مشيت الأيام دى وراء كل واحد عامل كوميك هقوله معلش يا كابتن أنت حرامى علشان أنا أول واحد استخدمته هحتاج لجنة إلكترونية فيها خمسمية بنى آدم، ده غير ال inverted quotes وال screenshots وغيره وغيره من الحاجات اللى بقت ماينستريم لدرجة إن ماحدش بقى عارف أصلها إيه".
وأضاف بهجت فى منشوره، "البروفايل ده من أول ما عملته كان من نوع best of Internet مش best of myself وكل الناس القديمة بالذات عارفة كده وللأسف هيفضل كده لأنه اتجاه مش للمكسب ولا للشهرة الإعلامية، موضحا أن البروفايل قائم على عدم تكرار الأفكار".
واختتم كلامه موجها رسالة لكل من قام بتوجيه السباب له، "ماحدش مجبر على حاجة وأولهم أنا يعنى فمفيش داعى لقلة الأدب وما أسهلها، بس والنبى لو لقتلى كتاب ماتشتريهوش ولو ظهرلى مسلسل ماتتفرجش عليه ولو لقيتنى بقول "اخجلتم تواضعنا" لحد ابقى قولى ماتعيش الدور، زيط زى ما إنت عايز بس بلاش ذكر سيرة الوالدة علشان لو حد قالك إنى عمر طاهر فهو ضحك عليك ".