«عازفة الناي» ندى سلامة تشعل «تويتر».. معتز: «الانتحار حلو بس النحل بيقرص».. سيد: «انتحرت ورجعت ومرسي لسة مرجعش».. وإبراهيم: «بفكر انتحر تلات وأربع»..وأبو فيروز: «كفاية تفاهة»

سادت حالة من الاستياء الشديد لدى نشطاء مواقع التواصل الاجتماعي بعد ساعات من الحزن الذي ساد بسبب تردد أنباء حول وفاة ندى سلامة عازفة الناي منتحرة، فقد فوجئ متابعوها بتدوينة عبر صفحتها الشخصية على موقع «فيس بوك» يؤكد أنها لم تمت وأنا ما زالت على قيد الحياة.
ودشن مستخدمو موقع التواصل الاجتماعي «تويتر»، اليوم الإثنين، هاشتاجًا جديدًا حمل عنوان «ندى سلامة»، تصدر أكثر الموضوعات تداولًا عبر الموقع، وتفاعل معه الكثير من النشطاء، ومن جانبها رصدت «فيتو» أبرز التعليقات.
كريم إسلام: «استنى يا بني عايز اتشهر أنا انتحرت دلوقتي يا جماعة».
مريم: «لو بطلنا نعمل من... قيمة مش هنلاقي الأشكال دي موجودة».
توتا: «أنا انتحرت بس اتكتبلي عمر جديد».
محمد الشريف: «الدروس المستفادة من القصة ال.. دي متمشيش مع القطيع وتشير أي حاجة وانت مش عارف مدى صحتها».
محمد محمود: «انتحرت في تمام الساعه 12 بليل رجعت من الانتحار الساعة 7 تاني يوم».
مراد شوقي: «السؤال اللي بيطرح نفسه هي مين ندى سلامة».
مصطفى السيد: «أعتقد طلاب الثانوية قبل النتيجة بيومين لو سألتهم ناوي تعمل ايه حيقولك زي ندى سلامة».
أحمد: «بتأثر فينا قوي احنا كل ما نشوف حد مات موتة مش طبيعية بنحس إننا نعرفه ده فيه ناس بتحس انهم كانوا أصحاب وتكتبله يا صاحبي كذا».
أبو فيروز: «كفاية تفاهة عشان اكتر من كدة هنروح في داهية».
خالد جاد: «ذهبت لتنتحر لن تصدق ماذا حدث.. جاءها جني وقال لها: جالك 38 ألف فولو يابنت المحظوظة».
بكار: «حوار ندى سلامة ده بيفكرني بفيلم حماتي ملاك هوا ده بيت المرحوم.. هوا اخد لقب مرحوم يا ألف نهار أبيض».
معتز: «الانتحار حلو بس النحل بيقرص».
إبراهيم محسن: «بفكر انتحر تلات وأربع وأصوم رمضان على نضيف».
محمد الخطيب: «هتقعدوا تتكلموا كتير كدا عن ندى سلامة خلاص بقا يا جدعان هيا إنسانة مريضة وكانت عايزة تتشهر واتشهرت».
سيد زايد: «انتحرت ورجعت ومرسي لسه مرجعش».
مروة: «هي دي مصر اللي بنحلم بيها نموت ونصحى تاني يوم اشتا عادي ربنا يرحم المرارة اللي اتفقعت».
شادي يونس: «يلعن أبو جنون الشهرة والمرض النفسي اللي يخلي واحدة تعمل نفسها انتحرت علشان الناس تتكلم عليها وتتشهر».
منى: «إزاي يعني هو تعب أعصاب وخلاص يعني ايه امبارح ماتت والنهارده لا».
أحمد: «نفسي اعرف شعور اللي صدقوا إنها كانت صاحبتهم وشيروا خبر موتها وكمان دفنها وهما ناقلينه من ناس تاني على أساس إنهم كانوا صحاب».
وكانت عازفة الناي ندى سلامة نفت ما نشر من أخبار عن وفاتها، وأكدت أنها حاولت الانتحار أكثر من 5 مرات في 3 أيام بسبب مشاكل شخصية.