طلاب الثانوية العامة يعلنون بدء تظاهرات 20 يناير القادم ضد نظام الإمتحانات الجديد

أكد عشرات الطلاب بالمرحلة الثانوية العامة، تنظيم تظاهرات احتجاجية، رفضًا لقرار وزير التربية والتعليم، ببدء نظام "البوكليت" عليهم.

وأضافوا عبر صفحتهم بموقع التواصل الاجتماعي "فيس بوك"، اليوم الأحد، إحنا طلاب الثانوية العامة دفعة 2017، دلوقتي مستقبلنا بتتحكم فيه وزارة التربية والتعليم بنظام امتحانات جديد ووقت إعلان تطبيقه بعد أكثر من 5 شهور مذاكرة وتعب أعصاب.

وأشاروا إلى نظام الامتحانات ده عبارة عن ضم ورقة الأسئلة لورقة الإجابة "البوكليت"، زيادة في عدد أسئلة الإمتحان في كل مادة وعدم زيادة وقت الإمتحان 30% من كل إمتحان لقياس مستويات التفكير العليا.

وتابعو: إنت الدرجة هتفرق معاك توديك من هندسة لتجارة ومن طب لعلوم ومن سياسة وإقتصاد لحقوق،كلنا في مركب واحده ولو غرقت هتغرق بينا كلنا ،عشان كده بنطلب منكم إنكم تشاركوا معانا في الوقفة الإحتجاجية فى يوم الجمعة 20 يناير أيضاً فى ثلات محافظات (القاهرة ، الإسكندرية ، المنصورة).

وقالو:لية عايزين نلغي نظام البوكليت ،عشان نطبق النظام ده اصلا فى مصر لازم يكون عندنا منظومه تعليميه كامله تقدر تطبقه فى حيث ان المناهج بايظه فى كل المواد غير ان الدولة بتاعتنا دى بوزارة التربيه والتعليم اللى من سنة 60 عمرها ما هتقدر تطبقه صح.

وأضافوا: ده غير ان النظام ده بيلغي الجزء الاختيارى اللى موجود فى كل المواد والاسئله كمان هتبقي من 20 ل 50 سؤال فى نفس وقت الامتحان فى الانظمه القديمه ،كمان النظام ده مش هيقضي على التسريب لان النظام ده مغيرش اي حاجه غير انه غير ترتيب الاسئله فكمان كده بيسهل التسريب انه يحصل.