عمرو أديب يعلن رعبه على الهواء من تحقيق النبوءة الصهيونية فى مصر

يزعم أن الإخوان وقوى يناير تسعى لها ونسى ما فعله قائده

خرج الإعلامى الموالى للعسكر عمرو أديب، معلقًا على دعوات النزول في مظاهرات مناهضة للنظام الحالي، اليوم الإثنين، 25 أبريل: "قوات الجيش والشرطة متواجدين في الشارع، وبرضو الإخوان نازلين، بكرة ينضم الفصيل الإخواني لفصيل 25 يناير، بكرة في مظاهرات ومصادمات وقبض على ناس، وربنا يعدي اليوم من غير قتلى ودم، في حين أن محدش هيتكلم عن ذكرى تحرير سيناء خالص، أعيادنا تتحول لأيام قلق وتوتر".
أضاف أديب، خلال تقديمه برنامج "القاهرة اليوم"، عبر قناة "اليوم": "قوى 25 يناير تعود لتنتقم مما حدث لها خلال السنوات الآخيرة، كل رموز 25 يناير موجودة، ومعاهم الإخوان واصفًا إياهم بالندالة المعهودة (تسمية الاصطفاف عند إعلام العسكر)" -حسب كلامه.
واستطرد أديب ليظهر وجهه الآخر وتعليمات العسكر الغير مفهومة والتى بات يرفضها الشعب المصرى، قائلا: "السنة اللي فاتت حطوا قنبلة على الطيارة الروسية وأفشلوا السياحة، وبعدين اشتغلوا على المصريين في الخارج وابتدوا يبيعوا ويشتروا فبقوا ماسكين حنفية الدولار من فوق، في حين أن مفيش استثمارات، استغلوا قضية ريجيني وكبروها، تلقينا عدد من الضربات لكي يسقط رئيس الدولة، وبعدين جات أزمة الجزيرتين فنزل بتوع يناير معترضين، ولسه هينزلوا، عشان كده وصلنا للنقطة دي" -حسب كلامه.
تابع موجهًا حديثه إلى قائده الذى بات بالفعل فاقد لكل شئ: "اللي هيحصل اليوم والأيام الجاية هو اختبار قوة، لأي مدى إنت هتتحمل، هل مازلت مسنود من الشعب ولا لاء، في واقع الأمر في حالة خوف وقلق، السؤال.. إيه المطلوب؟
مش شايفين طلب واضح، هل مطلوب التراجع عن تسليم الجزيرتين للسعودية؟
ولا هل مطلوب إسقاط النظام؟ لو كده يبقى يا ريت تطلعوا بيان واضح تقولولنا فيه، أنا مش قلقان من الغضب وبتاع، أنا خايف لنقف قدام بعض، أنا عايز أن الشباب يقولوا اللي هما عايزينه ويروحوا زي ما حصل الجمعة الماضية".
استكمل "أديب" أن هناك مخاوف من تحقيق نبوءة بنى صهيون التى حرص السيسى منذ الانقلاب العسكرى على تنفيذها وقال : "مخاوفي الحقيقية الآن هي النبوءة الإسرائيلي، خوفي إنه يبقى في الشارع في مصر ناس من ناحية وناس من ناحية تانية، زي ما كانوا الإخوان عايزين يحولونا لسوريا، أنا خايف من تقسيم المجتمع تقسيم مخيف، أنا خايف حد ينزل على حد، فكرة مقدمات حاجة زي اللي حصلت في سوريا تخض، أنا مش بخوفكم ولا حاجة، وساعات بيكون الحل في الهدم، لكن كل الخوف لنتحول لأننا نضرب بعض في الشارع، لبنان لم تقم حتى الآن بسبب الحرب الأهلية، هل إحنا عاوزين نوصل للمرحلة دي؟".