مراحل تطور خطاب السيسى من "نور عنينا" حتى "إحنا نجوع ومانأكلش"

"أنتو ماتعرفوش انكم نور عنينا ولا ايه" كلمات كان يخدع بها قائد الانقلاب مؤيديه الملهمين بحبه، فبدأ يستجلب عطف ومشاعر المواطنين، وخلال رحلة تطور خطابه، قال منذ أيام في أحدث تصريحات"نجوع وماكلش"،، فتنوعت لهجة السيسي كما تنوعت تعبيرات وجهه من حين لأخر، وتستعرض لكم "رصد" في هذا التقرير مراحل تحول لغة خطاب السيسي للمصريين.
مصر أد الدنيا
"مصر أد الدنيا" كانت الكلمتين من أشهر التصريحات لتي أطلقها عبد الفتاح السيسي، بعد أحداث الثالث من يوليو 2013، والتي كررها كثيرا في خطاباته: "مصر هتبقى قد الدنيا"
ففي يوليو 2013 قال عبدالفتاح السيسي، وزير الدفاع،آنذاك خلال لقائه قادة وضباط القوات المسلحة،:" أنت (في إشارة للرئيس مرسي) دخلت في صراع مع القضاء والإعلام والشرطة المدنية وفي صراع مع الرأي العام وصراع مع القوات المسلحة، وتابع: القوات المسلحة تستحمل النار والحديد لكن تخدش من الكلمة، واختتم قائلًا: "مصر أم الدنيا وهتبقى قد الدنيا".
انتو نورعنينا
وخلال كلمته باستاد الدفاع الجوي، في ذكرى انتصارات حرب أكتوبر، وجه السيسي تحية إجلال وتقدير واحترام لشهداء الحرب من مصر والعرب، كما وجه تحية لكل مصابي الحرب.
وقال "إنتوا مش عارفين إنكم نور عنينا ولا أيه، إحنا مش بننسى ولا يمكن أن ننسى وقفتكم معانا". وتعالت هتافات الحضور بعبارة "الجيش والشعب إيد واحدة"، عندها قال وزير الدفاع إن "الجيش والشعب إيد واحدة".
مش قادر اديك
وفي حوار له على قناة "سي بي سي" قال السيسي موجها حديثه للاعلامية لميس الحديدي: عارفة لو ال25 مليون أسرة وفروا رغيف يوفروا 25 مليون رغيف ويقسم الرغيف أربعة أرباع.. وإذا ماكنتوش تصبروا فالظروف مش هتتحسن.. وأنا مش قادر أديك.
وانفعل السيسي قائلا: القانون موجود إحنا مش هنهزر.. وهتاكلوا مصر يعني؟!.. إدي فرصة وما تعرقلنيش".
وفي تعليق له على أزمة استقالة عشرات الطيارين من شركة مصر للطيران، عقب رفض زيادة رواتبهم، قال السيسي، في ندوة تثقيفية بالقوات المسلحة:"اتفقنا أن ظروفنا كثير صعبة، إخواتنا في مصر للطيران، هل تعتقدوا إني مش عايز أساعدك في ظروفك، ولكن في نفس الوقت أنت مش سعيد وأنت بتنقل كل مصري لأي دولة بأمان وسلام".
وأضاف: "إحنا مش كل حاجة بنأخدها في جيوبنا، وإحنا مش اتفقنا أننا هنبذل جهد لمدة سنتين مع بعض عشان نوقف تاني".
وتابع:"أنا على قدر كلمتي وعايز أنهض بالبلد، طيب وأنتم تعرفوا هي مصر للطيران بتكسب وبتخسر، ملكش دعوة يعني وهي بتموت أخد منها برده، وأنا بوجه كلامي لكل الناس، ونصبر فيه مع بعضنا البعض".
أنا معنديش خيار
فبعد أن وعد السيسي الناس بالغنى في أحد حواراته، حين قال "مهمتي أغْني الناس"، ها هو ينكث في هذا الوعد، ويبشر المصريين بالجوع، في خطابه الذي ألقاه بمناسبة افتتاح مشروعات عدة، قامت بها الهيئة الهندسية في القوات المسلحة.
وقال السيسي: "لازم نضغط على أنفسنا أكتر... الظروف الآن صعبة، عايز ضغط أكتر، أنا معنديش خيار تاني، لازم نضغط على أنفسنا ونبني بلدنا... ونعمل تاريخ حقيقي، ونعمل معجزات حقيقية، ويعلّموا التاريخ والإنسانية إنهم قادرين".
ميصحش كده
وخلال الدورة التثقيفية للقوات المسلحة، التي أقيمت على مسرح الجلاء أمس الأول، توبيخا غير مسبوق لبعض الإعلاميين المصريين، الذين انتقدوا أداءه في الفترة الماضية.
وانفعل السيسي قائلا: "أحد الإعلاميين قال في كلامه إن السيسي إزاي يقعد مع سيمنز وشايف إسكندرية بتغرق.. حاجة صعبة أوي، عيب ميصحش كده.. إيه الشغل ده والأمر ده لا يليق، انتو بتعذبوني أني جيت وقفت هنا، بحس أن الناس مش عارفة وبتتكلم وتنشر جهل وعدم وعي بين الناس وقطاع الإعلام مفهموش كارثة ولا إيه؟..المرة الجاية هشتكيكم للشعب منكم".
احنا منكلش
وخلال زيارته لمطار شرم الشيخ، الأربعاء الماضي، أشار إلى أن المصريين محدش يقدر بغلبهم، "إحنا منكلش ونبني بلدنا"، حسب قوله.
وطلب السيسي، من المصريين عدم القلق على مستقبل البلاد، مضيفا: "مش عايزكم تبقوا قلقانين ده أنا ببصلك اتفائل (في إشارة لمذيعة قناة النهار)، قلقانين إزاي، فاكرة حد يقدر يغلب المصريين إحنا منأكلش وهنبني بلدنا".
وأضاف السيسي في تصريحات لمراسلة قناة "النهار": "أوعي تخافي ولا حد يخاف ولا حد يقدر، أي حاجة سهلة مش هنأكل يعني هنجوع يعني لكن بلدنا تظل في سلام وأمان وبنطلع لقدام والنجاح واضح".