فى مأساة أخرى من قبل أجهزة النظام العسكري فى مصر , قامت السلطات المحلية فى محافظة الإسكندرية , بهدم شقق عمارة سكنية على رأس ساكنيها دون الأكتراث إلى حياتهم أو اى شئ , فى تعدي واضح على الحريات الشخصية ومواصلة إهدار حق المواطن المصري . ووفق شهادة احد سكان العمارة تدعى هبة منير , بحسابها الشخصي على مواقع التواصل الاجتماعي "فيس بوك" , قالت " يوم الاتنين الموافق 17-8-2015 ماما بتصحيني علي غير العادة قومي بتوع الازالة قمت طبعا من النوم مخضوضة لبست عباية بيت بسرعة وطلعت برة لقيت بابنا مفتوح وسمعت صوت ناس عمالة تصرخ من عند جيرانا اللي فوقينا (في الدور ال17 والاخير ) طبعا طلعت جريت علي فوق لقيت جارنا واقع عالارض ومراته و3 بناته بيصوتوا وبدأ التكسير بقي نزلت علي شقتنا وسامعة صوت تكسير ومطارق شغالة فوق ومش مستوعبة لسه اللي بيحصل مفيش دقايق ولقيت حوالي 5 رجالة بالمطارق الكبيرة بتاعتهم والريس بتاعهم ومن غير ولا كلمة ولا حتي قالوا احنا داخلين نعمل كذا رغم ان شقتنا قاعدين فيها انا وماما واختي وابن اختي طفل صغير دخلوا عالحوايط تكسير تكسير". وتابعت :" انا منهارة ومصدومة وقعدت اصرخ فيهم الكبير بتاعهم قالنا انزلوا والا هتتهد فوق دماغكو قعدت طبعا احنا مش متخيلين ولا مستوعبين اخدنا الموبايلات بتاعتنا وفي دقايق بدون مبالغة كانوا مكسرين كل الدنيا فوق دماغنا نزلت انا وماما واختي وابن اختي بس موصلناش تحت فضلنا قاعدين عالسلم ماما نزلت بعدها واختي خافت واخدت الولد ونزلت الشارع وطبعا مرضوش يطلعوها تاني العمارة لانهم واقفين تحت مبيطلعوش اي حد من برة ". وزادت :" ادخل كل شقة في العمارة الاقيها متكسرة وشغالين فيها وصحابها عمالين يصرخوا فيهم يقولولهم كفاية وحرام ويتحايلوا عليهم وهم ولا في الدماغ نزلت الدور الاول لقيت ظباط و2 مهندسات الحي ومقاول الهدم الكبير بتاعهم وقاعدين يضحكوا ويهزروا ولا كانهم طالعين رحلة ". وأشارت هبة إلى أن الدور التاسع بالعمارة ملك لأحد ضابط القوات المسلحة وهو الوحيد الذى نجى من الهدم , قائله " جالهم خبر ان الدور التاسع مكتوب علي شقته ظابط في القوات المسلحة راحت المهندسة بتاعة الحي ربنا ينتقم منها قالتلهم اقطعولي سلم التاسع اللي فوقيه تجيبوه ارض واللي تحتيه حوايط والتاسع محدش يفتحه وبالفعل لحد الان الدور الوحييد اللي في العمارة متلمسش حتي الدور التاسع". وأوضحت هبة أن باتو من ساكني الشارع بعد ما قامت به السلطات المحلية , مشيرًا إلى ان كل المتضررين من قرار الهدم بدأو فى الاجتماع لأخذ الاجراءات القانونية تجاه الواقعة قائله" وبدأ مشوارنا احنا وكل سكان العمارة دايخين عشان نوقف القرار قبل ما يجيبوها ارض وكل واحد سايب شغله وحاله وماله ويوميا نتجمع كلنا ما بين النيابة والقسم والمحكمة ومجلس الدولة " وأشارت هبة إلى أن كل محاولاتهم لتصعيد الأمر قانونيًا بأت بالفشل,بسبب زعم جميع الجهات أن العقار "غير مرخص" . وأكدت هبة ان السبب الحقيقي لتنفيذ قرار الهدم على حين غرة دون انذار , هو مستشار و لواء جيش قائله " السبب اصلا في هدم العمارة مستشار ولواء في العمارة اللي جنبنا احنا غطينا عليهم فمش عجبهم وهم اللي موقفين الموضوع ". واختتمت هبة كل اللي كتبته دة حصل بالحرف واللي مكتبتهوش اكتر ومعانا الصور والفيديوهات اللي تثبت كل حرف اتكتب وعايزين صوتنا يوصل لحد يقدر يساعدنا في وقف القرار لاننا 12 اسرة في الشارع اللي كنا ساكنين في العمارة والصور دي اتصورت تاني يوم لما سمحوا لواحد مننا يلم ما تبقي من العفش."