والدة شهيدة الصحافة "ميادة أشرف" توجه رساله للثوار ولنقيب الصحفيين

بعد عام كامل خرجت علينا اليوم " عزة رمضان" والدة شهيدة الصحافة المصرية ميادة أشرف خرجت عن صمتها فى "عيد الأم" قائله إنه مر على وفاة ابنتى 358 يوم ولم أرى أى تحرك من أى مسئول لاستعادة حق بنتى بالقصاص، مضيفه: "الصحفيين ملهومش لازمة جابوا حق الكلب ومجبوش تارالشهيدة ".
وطالبت أم ميادة، بإستعادة حق ابنتها حتى إذا ثبت أن الشرطة هى التى قتلتها قائله: "بنتى استشهدت فى مظاهرات بعد اعلان السيسى ترشحه للانتخابات الرئاسية وهو السبب فى نزولها وزى ما جاب حق شيماء الصباغ واحالوا الضابط القاتل للمحاكمة يجيب حق بنتى عشان استريح لانى مش مرتاحة ".
وناشدت، يحيى قلاش نقيب الصحفيين الجديد: " ضياء رشوان قالنا دم بنتكم فى رقبتى ومر على وفاتها سنة كاملة ومعملش حاجة املنا فى ربنا وفيك كبير يا استاذ يحيى واعتبرها بنتك وانا عايزة حقها عشان ارتاح ".
وعن ذكريات عيد الأم قالت أم الشهيدة: "كان أخر عيد أم لميادة ظلت طول اليوم تتصل بى وتغنيلى فى التليفون وتقولى كل سنة وانت طيبة وقولتها في ايه يا ميادة ردت خلاص مش هقولهالك تانى وماتت بعدها بيوم ومش هسمعها تانى ".