تكدس مروري وسائقو سوهاج ينددون بأزمة البنزين: الحكومة بتسرقنا

تكدست الطرق المروري جراء نقص الوقود وإنتشار أزمة السولار والبنزين وسط صمت وتجاهل من حكومة الانقلاب .
امتدت طوابير السيارات أمام محطات الوقود بسوهاج لأكثر من 200 متر وتعطلت حركة المرور بسبب أزمة "وقود" طاحنة تتعرض لها المحافظة.
ونشر علي موقع "مصر العربية" آراء عدد من المواطنين بالمحافظة للوقوف على سبب الأزمة، وأرجع البعض برفع الحكومة الدعم عن "الوقود" نهائيا، وآخرون أوضحوا أن السبب رفض الخليج إمداد مصر بالبترول بعد التسريبات الأخيرة.
يقول على ضاحى "سائق": "وبعدين يعنى... بيوتنا اتخربت انا مستنى دورى علشان اخد "بنزين" من الفجر الى المغرب واليوم ضاع، هشتغل ولا أقف طابور".
ويصرخ سيد عواد "سائق": والله حرام اللى بيحصل فينا دة واحنا يعنى نعمل اية؟ نسرق ولا اية وكل يوم ازمة....البوتاجاز ازمة والبنزين ازمة عموما انا مش خايف غير من ربنا دى حكومة كلها حرامية ونظام فاسد وانتظروا الدمار والخراب الناس فاض بيها"، على حد قوله.
ويتساءل محمود عنتر"سائق": هى وظيفة الحكومة اية فى البلد دى؟؟؟ تسرق بس وتزود الاسعار بس ....طاب ازمة البوتاجاز والناس اللى بتموت يعنى نسيبوا البلد ونمشوا؟؟؟ انا واقف منذ 7 ساعات ومش عارف اخد بنزين الازمة ايه سببها وفين المسئولين؟؟؟؟ حسبنا الله ونعم الوكيل.
واندلعت عدة اشتباكات بسبب أولوية الحصول على البنزين مما دفع عدد من السائقين للجوء إلى السوق السوداء للحصول عليه.
وقال شمس الدين يوسف وكيل وزارة التموين بسوهاج فى تصريحات خاصةل"مصر العربية": ان الازمة تعود لتعطل بعض معامل التكرير بالسويس نقلا عن مسئولى شركات البترول.
وأضاف أنه جار التنسيق مع المحافظ ووزارة البترول لزيادة الكميات المخصصة لمحافظة سوهاج من البنزين والسولار لحل الأزمة خلال الأيام القليلة القادمة.