الإسماعيلية.. المواطنون: فاتورة الكهرباء1300 جنيه و"دايما" قاطعة.. ولما "وصلت" حرقت الثلاجات

حلت الخسائر بمواطنى مراكز وقرى الإسماعيلية، بسبب انقطاع الكهرباء المستمر، وخاصة أصحاب محلات البقالة، حيث ازدادت شكواهم لغلاء فواتير الكهرباء، وإتلاف الأجهزة الكهربائية وما بداخلها.
من جانبه قال عبده مصطفى- صاحب سوبر ماركت-: "الكهرباء تقطع خمس أو ست مرات فى اليوم.. وكل مرة تستمر ساعة أو ساعة ونصف، والثلاجة اتحرقت، وفاتورة الكهرباء جاتلنا ب 1300 جنيه".
وقالت أم عبد الرحمن -صاحبة محل بقالة-: "بسبب انقطاع الكهرباء المستمر الآيس كريم باظ، والأولاد بيشتروه ويرجعوه تانى لما يلاقوه سايح".
وأضافت: "تسبب انقطاع الكهرباء فى تعطيل ثلاث ثلاجات، ومش عارفين نصلحها علشان مفيش فلوس معانا".
وفى نفس السياق شكت الحاجة أم محمد من انقطاع الكهرباء قائلة: "لا الناس عارفة تشوف شغلها، ولا العيال هتعرف تذاكر، وهنعمل إيه بعد ما قالوا الحال هينصلح ومنصلحش".