بالفيديو| "مرتضى منصور" يهدد رئيس الأهلي ب"بشار الأسد"، ومصير سما وباسم يوسف

هدد "مرتضى منصور" أحد منافسيه ب"بشار الأسد"، دون أن يُعلم بعد ما علاقة مواطنين مصريين متنافسين برأس النظام في دمشق!
وبدأ مرتضى منصور رئيس مجلس إدارة نادي الزمالك هجومه على منافسه رئيس النادي الأهلي محمود طاهر، متسائلا باستنكار: "جرى إيه يا محمود إنت ناسي أنت شغال عند مين في سوريا؟!.. مش عايز أتكلم أكتر من كده.. الله".
هجوم "منصور" على غريمه جاء خلال اتصال إحدى القنوات التلفزيونية معه، حيث وجه منصور كلامه ل"محمود طاهر" قائلا: أنا مش فاضيلك أنا راجل سياسي رياضي قضائي –واخد بالك- إنت راجل بتلعب في حاجات مش عايز أتكلم أكتر من كده".
وتابع منصور هجومه: "مين هو محمود طاهر ده أصلا.. بيشتغل إيه؟.. إنت مش قدي في الخناق يا محمود، أنا بحذرك.. فين باسم يوسف فين البت سما المصري.. ابعد عني ولا أفوقك زي ما فوقت باسم يوسف وسما".
وأضاف منصور: "هفوقك أنا إيدي طايلة في سوريا وإيدي طايلة كويس، خلي بالك، وأنا علاقتي ببشار الأسد مش عايز أقولك إزاي، بفقوك تاني يا محمود.. أنت عارف بتكلم مين؟، أنا راجل عضو مجلس شعب وبرلمانية دولية وراجل رئيس محكمة ورئيس نيابة، وراجل محامي نقض، ورئيس نادي كبير، متخليك في حجمك بقى.. الله أقول للناس شغال إيه في سوريا؟".
وعرف عن "منصور" بأنه أحد أبواق بشار الأسد في مصر، وله تصريحات ومواقف يدافع بها عن جرائم النظام ضد الشعب السوري، وقد كشفت مداخلته التلفزيونية أن هذا التأييد المقنع بشعارات العروبة والمقاومة وسواها ما هو إلا تسديد فاتورة لمصالح يمررها نظام بشار الأسد لبعض المصريين، مانحا إياهم امتيازات تجعلهم من أشد المدافعين عنه.