الرد الصارم والبتار على المدلس الكاذب نادر بكار

في رده على المدعو نادر بكار مسؤل الاعلام في حزب النور الموالي للانقلاب العسكري قال الاستاذ "محمد منسي" أحد الشباب السلفيين : حديثين خلاصتهم

1- حديث في صحيح مسلم .. رجل ذهب للنبي صلى الله عليه وسلم وقال له أن ابنه (كان غير محصن) زنى بامرأة (محصنة) ، وكان فاكر إن حد ابنه الرجم فافتدى به بمئة شاه ووليدة ، فلما سأل أهل العلم قالوا له إن على ابنه مئة جلدة وتغريب عام وأن على المرأة الرجم ، فقضى النبي صلى الله عليه وسلم برد الغنم والوليدة وبالجلد على ابنه وقال لصحابي اسمه أنيس : اغد يا أنيس إلى امرأة هذا فإن اعترفت فارجمها ، فاعترفت فرجمها.

2- حديث تاني .. رجل اسمه ماعز (محصن) زنى فضغط عليه صاحبه اسمه هزال ليذهب ويعترف عند النبي صلى الله عليه وسلم ليخبره ويقيم عليه الحد .. فذهب ماعز وأقر عند النبي صلى الله عليه وسلم فأمر برجمه وقال لصاحبه : يا هزال لو سترته بثوبك كان خيرا لك (خد بالك الستر أولى قبل الاعتراف .. بعد الاعتراف = رجم)

لحد كده جميل .. بكار افندي بقى في معرض رده على هاشتاج الكاراتيه مع عمرو أديب وعايز يبين قد ايه ديننا جميل .. دخل الحديثين في بعض وحط طاطش بشع بجهل منه إن أحسنا به الظن يعني .. فقال :

- إن رجل كان متزوج فذهب للنبي صلى الله عليه وسلم وقال إن فلان زنا بزوجتي (فهم إنها زوجته عشان في آخر الحديث النبي صلى الله عليه وسلم قال “اغد يا أنيس إلى امرأة هذا” (امرأة هذا) دي فهمها (زوجته!!) لله دره) .. قوم ايه بقى راح النبي صلى الله عليه وسلم قاله : هلا سترتها بثوبك ؟ (دي جابها من الحديث التاني اصلا يعني الزوج يدخل على زوجته يلاقيها بتزني يقوم ساترها ).. ثم أتبع بكار : “وبعدين قال النبي لصاحبه : اغد يا أنيس فإن اعترفت .. يعني هو بيديها مساحة قولي لأ !”

ماشي مش مشكلة .. اتلخبط وأكيد حيعتذر عن اللخبطة دي ..
قوم ايه بعد ما اتهاجم قام منزل مقال وتويتات بدل ما يعتذر عن التدليس .. قعد يكابر ويبرر إن الناس فهمته غلط ويهري في صحة الحديث .. طيب وحد اتكلم أصلا عن صحة الأحاديث ؟ انت مدخل حديثين في بعض وعاكس المعاني وجي تستدل بصحة الحديث الأصلي ؟!
ومدلّس على النبي صلى الله عليه وسلم إنه قال لزوج شاف زوجته بتزني هلا سترتها بثوبك .. بقى النبي صلى الله عليه وسلم حيقول لزوج شاف زوجته بتزني كده ؟ ورافض تعتذر وبتكابر ؟!
وطبعا دباديب برهامي بدل ما يستنكروا تدليس بكار واستكباره عن الاعتذار تنزيها لجناب النبي صلى الله عليه وسلم وحفظا للسنة .. نزهوا بكار وبرروا له وسلخوا اللي رد عليه ! وكالعادة حطوا أي تكفيري في رغيف.
ثم إن الحديث الأصلي موجود في صحيح مسلم في باب الحدود وفي آخر الحديث النبي صلى الله عليه وسلم بيأمر صاحبه برجمها إن اعترفت .. يعني جايب حديث تجاهلت منه حد الرجم وبتستدل بيه عن الستر في واقعة الزاني معترف بيها ومصور فيديوهات بتتباع ع الرصيف ؟! كما فعل بني إسرائيل في إخفاء حد الزنا من كتابهم ؟! هو مش انتم اللي عاملين الدستور اللي حيحافظ على الشريعة كاملة واللي برضه لويتوا عنق الأدلة عشان تشرعنوه ! ياخي $&@
بالمناسبة بكار ده يقال إن معاه إجازات في الكتب الستة .. فما بالك بدباديبه الصغيرة
‫#‏لله_درهم‬