ساخرون من تسريبه الأخير.. نشطاء ل"السيسي": تسلم الأيادي اللي هتلغي دعم بلادي"

عبر نشطاء مواقع التواصل الاجتماعي عن استيائهم مما جاء في التسريب الأخير الذي أذاعته قناة "الجزيرة مباشر مصر" لقائد الانقلاب الدموي عبدالفتاح السيسي، والذي قال فيه أن رفع الأسعار وتقليص الدعم يحتاج وقفة.
فتفاعل بعض النشطاء مع التسريب الأخير بأسلوب ساخر فكتب محمد خطار، عبر حسابه علي موقع التواصل الاجتماعي "فيس بوك":" يعني السيسي بصفته وزير الدفاع ماله هو ومال الأسعار والدعم والكلام ده ؟ ليه دايما حارقه الموضوع ده وبيلف ويدور حواليه ؟؟..آل نور عنينا قال ..والله لنكون دموع عنيك إن شاء الله .."
فيما كتب الناشط سامح الخطاري، :" سيسي ليكس كل جمعة..باختصار بيقول حنشحتكم يا نني عيني من جوه وبكره تشوفوا مصر" .
وسخر عبدالله مقلد، من مؤيدي السيسي قائلا:" تسلم الأيادي اللي هتلغي دعم بلادي واللي هتجوع ولادي وهتخلي بكرة أسوأ الأماني ".
ودون محمد أبو الليل:" استعدوا للفطام يا شعب، انتو اتدلعتوا كتير ولازم تتفطموا ، السيسي جاي يفطمكو ويرفع عنكم الدعم ، إنجازات سهرة 30 يونيو المجيدة".
محمد سعيد:" التسريب الجاى للسيسى أكيد إصدار قرار بجعل شهر رمضان طول العام وده من باب صوموا تصحوا ."
عمار محمد:" حمادة هلال..ثورة يناير كانت يوم 25 يناير، السيسي: هتدفع جنيه هتاخد بجنيه"
فيما وجد أحمد جمال، أن الحلول التي يطرحها وزير الدفاع تظلم الفقراء فقال:" كل حلول السيسى ع حساب الفقراء مفيش ابدا نظره على اكوام الفلوس اللى عند رجال اعمال مبارك او المرتبات المهولة ".
وكتب الناشط السياسي عمرو عبدالهادي:" هكذا يدير العسكر لازم الشعب يجوع علشان نعرف ناخد القرار جوعني شكرا يبقى هو مستني الازمه الاقتصادية"
فيما توقع محمود خفاجي حدوث ثورة جياع في حالة تطبيق ماجاء في التسريب قائلا:"رفع الدعم مع تخفيض المرتبات يعنى ثورة جياع عايزين إيه بعد كده؟ يا طماعين!"