النهار تنشر ..شهادة الأخ الأكبر لقتيل سجن طره

وكيل النيابة :س إيه اللي حصل؟محمد:ج أخويه مسجون بقاله 8 شهور من 25/2/2011 وبقاله حوالي 3 شهور محدش زاره، اتصل بينا من تليفون واحد من المساجين وطلب إن حد مننا يروح يزوره، وفعلا أمه وصاحبته أية راحوا يوم الثلاثاء25 أكتوبر اللي فات ومعاهم أكل وخط تليفون، وبعدين وهما هناك كان فيه مسجون عليه فلوس لأخويه، وبعدين أخويه طلب منه شاي بالفلوس دي ومرضيش وراح بلغ المباحث بأنه شاف أخويه وهو بياخد مخدرات. بعدين المباحث أخذت أخويا علي جوه وأخوية قعد يصوت ويستنجد بأمي، و نفس اليوم الثلاثاء بالليل اتصل بيها علي الموبايل بتاعها من نفس الخط اللي اخده وقالها إنهم أخدوا كل الزيارة بتاعته و انهم ضربوه و حطوله خراطيم في بقه وفي فتحة الشرج، وواحد من المباحث حط صباعه في فتحه الشرج عشان فاكرين انه اخذ مخدرات وكمان شربوه مية برابسو علشان يرجع بالعافية ويشوفوا اذا كان بالع مخدرات ولا لا ،وكمان قال للظباط انه بقاله ثلاث شهور محدش زاره وبعدين هو مدخلش التأديب ولو كانوا شاكين إنه واخد حاجة كانوا دخلوه التأديب.وتاني يوم الأربعاء اتصل بينا تاني وقالنا ان الظابط نور مبهدله علشان موضوع المخدرات ده و عايز حد يروح يشتكي الظابط في النيابة الإدارية وزميله أخد التليفون منهوكلم ابوية وقاله ميرحوش النيابة الإدارية علشان الظابط ميعرفش ويأذيه وكويس إنه مادخلش التأديب .وبعد كده أنا أخذت التليفون وكلمت عصام و قولتله بلاش نروح نشتكي علشان محدش يأذيك أو يأذينا ، زعل مني علشان مرضيناش نبلغ .أمي اتصلت بيا ثالث يوم اللي هو الخميس وقالتلي إن زمايله كلموها وقالولها إن عصام اتنقل علي المستشفي وقعدت تلف لحد ما عرفت إنه في القصر العيني وبعد كده قالتلي إنه مات في القصر العيني، رحت علي هناك لقيته ميت ووشه وجسمه ورامين وبيجيب دم ورغاوي من بقه وأنفه ولقيتهم مقلعينه البنطلون والظابط اللي اسمه نور هو اللي عذبه وهو ده اللي حصلس : النيابة العامة : من الذي قام بزيارة شقيقك ؟ج :أمي ووحدة صاحبته اسمها آيه.س: وما الاسم الثلاثي للمدعوة آيه ؟ج : أنا معرفش، هي كانت بتحبه وكانت عايزة تزوره وراحت مع أمي يوم الثلاثاء.س : هل تمكنت من زيارته ؟ج : ايوة بس مكملوش الزيارةس : وما الذي حال بذلك ؟ج : لأن كان في واحد بتاع شاي عليه لأخويه فلوس، ومكنش راضي يديهاله وراح قايل للمباحث إنه بلع مخدرات علشان ينتقم منه.س : وما اسمه ؟ج: معرفش.س: وما الذي حدث عقب ذلك ؟ج : بعد ما بلغ المباحث أخذوا اخوية جوه ضربوه وعذبوه وطردوا أمي من السجن.س: وما هي كيفية التعدي عليه ؟ج: أمي قالت ان هما كانوا بيضربوه وبيعذبوه وبيدخلوله خراطيم من بقه و من فتحة الشرج فيها مية برابسو.س : وما سبب قيامهم بتلك الأفعال ؟ج: لأنهم صدقوا المسجون إنه بلع مخدرات والحاجات دي تخليه يرجع ويشوفوا إذا كان بالع مخدرات ولا لا .س: وكيف استبان لك ذلك ؟ج: والدتي حكيتلي.س: ومتي أبلغتك بذلك تحديدا ؟ج : في نفس اليوم يوم الثلاثاء.س: وهل قمت بالابلاغ ؟ج : لا .س: وما الذي حال دون ذلك ؟ج : انا خفت يعرفوا ويأذوا أخوية اكتر .س: وما مضمون الاتصال الهاتفي باليوم التالي ؟ج : يوم الأربعاء اتصل بأمي علي تليفونها وقال لها انه بينضرب وبيتعذب .س: وكيف نمى ذلك إلى علمك ؟ج : انا لما رجعت من الشغل لقيت أمي بتعيط وحكت اللي حصل وهو اتصل تاني الساعة 11.30 بالليل وكان أبويا وأمي موجودين وشغلت الاسبيكر وحكي هو بيتعذب ازايس: وما مضمون ذلك الحوار ؟ج : هو قال نفس الكلام وقال إن اللي بيعذبه ظابط اسمه نور بسجن شديد الحراسةس: وما سبب تعدي الظابط ؟ج: علشان نفس الموضوع، وهو نفس المسجون اللي أخويه كان عايزه يجيبله شاي واستمر يوم الثلاثاء والأربعاء علي موضوع التعذيب والضرب.س: وهل قمت بالإبلاغ بذلك ؟ج : لاس : وما الذي حال دون ذلك ؟ج : هو فعلا كان عايزنا نبلغ واحنا خفنا حد يأذيه تاني في الموضوع دا.س: وآخر مرة دار حوار بينك وبين المتوفي ؟ج : المكالمة دي كانت آخر حاجة الساعة 11.30 بالليل يوم الأربعاء .س: آخر مرة شفته إمتي ؟ج : أنا مارحتلوش من ساعة ما اتسجن، بس هو كان بيتحايل عليا عشان أروحله.س: وهل أبلغ عن تعرضه للإيذاء قبل هذه الواقعة ؟ج: لا، أخويه كان سيره وسلوكه أفضل من أي حد.( وقد تحدث وكيل النيابة هنا، عن أن المساجين و طبيب السجن و ضباط السجن،قالوا إن عصام بعيد كل البعد عن هذه الأفعال وأنه لم يتناول مخدرات بل وحتى لم يكن يدخن سجائر )س: هل أبلغ أحد بالحوار الذي دار في الواقعة ؟ج : ماكنش فيه غير أنا وأبويه وأمي.س: وما رقم الخط الذي تم الاتصال به من قبل عصام ؟ج : الرقم هو 01155164916 وخطوط المساجين مسجلتهاش ومعرفش الخط دا فين دلوقتي .س: وما طبيعة سلوكيات شقيقك المتوفي ؟ج : هو كان غلبان وزي الفل وملهوش في أي حاجة ولا حتي كان بيشرب سجاير.س: وهل كان يعاني من ثمة أمراض عضوية أو نفسية ؟ج : لاس: وهل حاول الانتحار من قبل ؟ج : انتحار ايه، دا كان عايز هدوم وكان غلبان جدا وكان عايز طقم يخرج بيه من السجن قال عليه لأمي علشان كنا بنعمله الطعن في الحكم اللي خده.س: وهل هناك ثمة أشخاص داخل السجن سواء من النزلاء أو العاملين به أو المشرفين عليه قاموا بالتعدي عليه فيما قبل حدوث تلك الواقعة قبل يوم الثلاثاء المشار اليه أو حدث فيما بينه وبين المساجين أو الضباط أو أي حد في السجن خلاف قبل ذلك ؟ج : لا المشاكل بدأت يوم الثلاثاء من الظابط اللي اسمه نور والمساجين كلهم كانوا بيحبوه ومافيش أي مشاكل بينهم وبين بعض.س: وما هي أسباب وفاة شقيقك ؟ج: هو مات بالتعذيب.س : هل طرق التعذيب تحدث الوفاه ؟ج : أكيد .س: وهل قصد مرتكب الواقعة موته ؟ج : أيوه.س: ومن تتهم بقتل شقيقك ؟ج: الظابط اللي اسمه نور في سجن شديد الحراسة.س: وهل يوجد خلافات بينك وبينه ؟ج : انا معرفهوش وماشفتوش قبل كدا وأخويه اللي قال إنه هو اللي عذبه.س: وما قولك بشأن ما قرره كل من :أحمد سيد أحمد عبد الرحمنأحمد سيد أحمد صديقمحمد علي سيد أحمدسيد أحمد عثمان محمدسيد محمد إبراهيم رزقوهم زملاء شقيقك المتوفي داخل السجن من أنه إصابة شقيقك قبل وفاته بإعياء شديد وإخبارهم بأنه تناول أقراص ومواد مخدرة أدت الي حدوث ذلك الإعياء ؟ج: الكلام دا مش مظبوط وأكيد خافوا يقولوا الحقيقة.س : وما علاقتك بالمتوفي ؟ج: اخويه الصغير.س: وما عدد أفراد الأسرة ؟ج : الوالد والوالدة وأربع بنات اخواتنا اثنين متجوزين واثنين صغيرين وأنا وعصام والوالدة اسمها إنعام حسن راغب وأخواتي الكبار ياسمين و إيمان وشيماء وسلمى هما الصغيرين.س: وأين والدتك الآن ؟ج : هي موجودة في البيت بس تعبانة من الصدمة.س: مطلوب منك إعلانها بالحضور لسرايا النيابة لجلسة تحقيق عاجلة فور تماثلها للشفاءج: أتعهد بذلك.س: هل لديك أقول أخرى ؟ج : لا