بالصور الطلبه يتظاهرون للمطالبه بالعودة لمدرستهم

الدقهلية : أحمد أبو القاسمنظم العشرات من طلاب المرحله الإبتدائيه من قرية مجر التابعه لمركز المنصورة وقفه احتجاجيه أمام مبنى محافظة الدقهليه للمطالبه بالعوده إلى مدرستهم القديمه بقريتهم مدرسة أشرف الكردى الإبتدائيه حيث تم اغلاقها منذ عام 2003 ونقلهم إلى مدرسة ميت الصارم الإبتدائيه والتى تبعد 3 كيلو متر يضطروا للذهاب اليها سيرا على الأقدام فى وسط الأراضى الزراعيه .كما ردد التلاميذ هتافات منها الطلبه تريد مدرسه من جديدكما رفعوا لافتات حملو لافتات حملة شعارات كل الأطفال مستقره فى مدارسها وليه احنا فى الشارع اطفال وتلاميذ مدرسة اشرف الكردى بقرية مجر و لجاءنا لكل المسئوليين لم يتبقى الا ماسبيرو حجة و إلى متى سنظل فى الشارع تلاميذ مدرسة اشرف الكردى .فى البدايه تقول عزه عبد المنعم طنش والدة احد الطلاب طرقنا جميع الأبواب بدون أى فائده لذلك قررنا تنظيم هذه الوقفه احنا عاوزين المدرسه تتفتح من جديد المدرسه دى خرجت 10 دفعات قبل كده اشمعنا جايين يقفلوها .واضاف عبد الله مجاهد ولى أمر إن المدرسه قفلوها من 2003 بحجة الضغط العالى مع أن المدرسه فى وسط المنازل ولو كان الضغط خطرعليها يبقى خطر عالمدارس حرام اولادنا يمشوا 3 كيلو علشان يروحو مدرسة ميت الصارم فى وسط طريق زراعى فى ظل عدم الآماناحنا جايين نتكلم بعد 8 سنين من الإغلاق علشان الوعود الكاذبه .وتقول أمل ماهر ولى أمر هما من 2003 وعدومنا يبنو مدرسه جديده واتبرعنا بالأرض فدان ومن يومها مفيش أى تحرك ولا أى جديد علشان كده بنطالب أن أولادنا يرجعو مدرستهم مدرسة أشرف الكردى الإبتدائيه بقرية مجر .ويقول عماد عكاشه ولى امر إزاى طفل عنده 6 سنوات يمشى 3 كيلو على رجليه رايح جاى فى وسط الحر والبرد وخطورة الطريق احنا كتبنا على نفسنا اقرارات اننا مسئولين على ابناءنا وعلى أى حاجه تحصلهم من الضغط العالى .ويضيف محمد سعد لما قفولو المدرسه قالو هنعمل مدرسه جديده وخدوا مننا قطعة ارض فدان تبرع من الأهالى ولحد الآن متبنتشى فعاوزين نرجع عيالنا المدرسه فى البلد من جديد حرصا عليهم .