أديب ل شوبير كنت صعبان عليا وأنت بتتقطع 90 دقيقة

أعرب الإعلامي عمرو أديب عن سعادته بعد فوز نادي الزمالك على الأهلي وتتوجيه بطلًا لكأس مصر بعد الفوز بهدفين نظيفين، قائلا "أنا بتولد من جديد وبعيش شبابي، بقلنا 10 سنوات مكسبناش الأهلي، من قبل الآي فون".
وقال أديب خلال مداخلة هاتفية مع الإعلامي أحمد شوبير ببرنامج "مع شوبير" على فضائية "صدى البلد": "أنا اتصلت بك النهاردة علشان أقولك إني كسبت الرهان، وأنت كنت صعبان عليا وأنت بتتقطع طوال ال90 دقيقة وأنت كل شوية تقول الأهلي قادر".
وأضاف "كنت حاسس إنك كان نفسك الأهلي يعوض، حتى في الدقيقة 85 وعايزهم يكسبوا، ده أنا كنت هكسر التلفزيون من تعليقك"، ليرد عليه شوبير قائلا "مش لازم أكربلك بطنك".
وتابع أديب "الزملكاوية فرحانين يا شوبير، إحنا كنا محبطين وفجأة شوفنا النور والقادم للزمالك وهذا الفريق عبقري، وحصل على الثقة، ولازم تقولي مبروك يا عمرو وتعترف بتألق نجوم الزمالك بشكل لافت خاصة باسم مرسي وكهربا وجنش".
من جانبه رد شوبير قائلا "أنا خسرت الرهان مرتين، بس كسبت بقالي عشرين سنة يا عمرو، وعملتك تعليق ساعة ونص عايز إيه تاني".