محمود سعد لمحافظ الجيزة: "عايز أخُشَّ فيك السجن"

هاجم الإعلامي محمود سعد، الدكتور خالد زكريا العادلي، محافظ الجيزة، على خلفية تطاول المحافظ على أحد الأطباء أثناء جولة له.
وقال "سعد"- خلال برنامجه "آخر النهار" عبر فضائية "النهار"، مساء أمس الخميس-: "كان نفسي أقول كلام يعاقب عليه القانون وأخشّ السجن في المحافظ ده، ووالله لو أنا محامي، كنت رفعت قضية على المحافظ فورًا.. الدكتور اللي كان حاطط إيده في جيبه هيبقى عالم كبير، والمحافظ مش يبقى أكتر من محافظ".
وتابع: "كل واحد عايز يعمل حاجة.. يقولك الأدب والأخلاق، الولد الدكتور ارتبك.. حط ايده في جيبه ، فالمحافظ قهره ، وده يعاقب عليه أي قانون محترم.. الدكتور اللي قال له المحافظ شيل إيدك من جيبك، هيبقى دكتور كبير، أما المحافظ ف هيفضل زي ما هو أو في أي حتة".