الرئيس السيسي: "في 6 أغسطس المقبل هتشوفوا حاجات كتير"

استعرض الرئيس عبدالفتاح السيسي ، خلال كلمته في حفل الإفطار الذي نظمته مؤسسة الرئاسة، بحضور عدد من الفنانين وشيوخ سيناء، إنجازاته خلال العام الأول من حكمه.
وقال السيسي : «العام الماضي، وفي شهر رمضان كان الجميع يتساءل: كيف ستُحل مشكلة الكهرباء؟، دي حاجة عملناها»، ومازح الحضور قائلًا: «هو النور زيادة كده ليه؟».
وأضاف: «مين اللي عمل قناة السويس الجديدة ، ومين اللي جاب الفلوس واشتغل على مدار 24 ساعة، وإن شاء الله في 6 أغسطس المقبل هتشوفوا حاجات كتير»، فرد عليه الحضور: «ربنا معاك ياريس»، فقال الرئيس: «لو ربنا معايا أنا مخافش من حد في الدنيا»، ما دفع أحد الحصور بالدعاء: «ربنا معاك ياريس، ويحبب فيك خلقه».
وتابع السيسي : «إللي اتعمل في سنة كتير ومش بسيط، وطالما كنا مخلصين وشرفاء فسنحقق الخير، وغير ذلك مشكلة كبيرة»، داعيًا: «يارب إنت شايف ومُطلع والناس عشمانة فيك، وإن شاء الله ربنا هيساعدنا وهتشوفوا».