السيسي: «أنا بعذر اللي أكله تلف أو في أسانسير»

قال الرئيس عبدالفتاح السيسي في كلمة وجّهها إلى الأمة، ظهر السبت، عن أزمة الكهرباء، إن الدلوة بذلت جهودًا مع المستثمرين لتمويل محطات توليد الكهرباء.
وأضاف السيسي: «المستثمر يريد ربح تجاري وبيحط فلوس عشان يجليه منها عائد، وهو عاوز يشتري الكهرباء، وإحنا نبيعها بكام هو مش مسؤول عن ده، وغير كده ماحدش هيبني لنا ولا هيستثمر».
وأوضح: «خلي بالكم إحنا بنتكلم عشان الشبكة تستطيع تتحمل الإنتاج الجديد وتستطيع تناور ولما بنلاقي شارع الحركة فيه مقفوله، نقول خش الشارع ده، ناور يعني».
وتابع: «كمان محطات التحكم لازم تكون حديثة عشان المنظومة تخلينا شغالين وستقبل الكهرباء اللي عايزنها بالشكل اللي نتمناه، وليه بنقول ده لأن إحنا كنا شايفين ده وعارفين ده، وفيه تحديات ومرفق زي الكهرباء فيه مشكلة وعايز استثمارات وأموال ضخمة، وده أمر ما بيتحلش في يوم وليلة، وانا هفكرم بالاتفاق والعهد اللي بيني وبينكم وقلت إننا بنواجه تحدايت كتيرة وماحدش أبدا هيقدر يتغلب عليها لا رئيس ولا حكومة، طيب حد يقول لي الفترات السابقة إيه الحكاية».
وقال: «هتكلم عن نفسي فيه مضابط مجلس الوزراء، وكل النخب والتيارات والناس اللي قابلتها وأنا مدير مخابرات كلمتهم إن فيه تحديات وعصية على الحل أمام أي حكومة، والأمانة الوطنية يطلعوا ويقولوا ده كلام طرح، ولما اتكلمت عايزة تتصدر المشهد في الدولة فقلت لهم لو نجحتم يبقى كويس ولو فشلتم هتحملوا الدين فشكلم بدون قصد، وفيه في مصر مشكلة كبيرة والمشكلة دي عايزة كل المصريين، وعايزة المصريين يساعدوا عشان نعبر ده، وشفت رد الفعل وأنا أقبله من الناس، ملما الواحد حاط أكل في بيته ويتلف، أنا بعذره، واللي في أسانسير أنا بعذره».