عبد الرحيم علي يكشف البرادعي والعليمي

عرض الإعلامى عبدالرحيم على خلال تقديمه برنامج "الصندوق الأسود" الذي يذاع على قناة "القاهرة و الناس"، مقطع مسرب من محادثة تليفونية بين الدكتور محمد البرادعي نائب رئيس الجمهورية للشئون الخارجية وزياد العليمي النائب البرلماني السابق.
وكان نص المكالمة:
البرادعي: ازيك يا زياد
زياد: ايوه يا دكتور ازي حضرتك
البرادعي: كلمني إبراهيم المعلم عملين ورقة عن الحقوق اللي لا يمكن الاختلاف عليها في الدستور انتش وفت الورقة دي.
زياد: لا مشفتهاش فاحنا هنروح نعطلها.
البرادعي: أنا مش رايح أولا أنت فاكر الأسبوع اللي فات قلت لهم أحنا بنعمل ورقة وراحوا هم بيعملوا ورق.
زياد: هو احنا هنروح نعطل الموضوع ده لغاية ما نخرج ورقتنا.
البرادعي: ده هيطلعوها بكرة عايزين يطلعوها بكرة بس معرفش.
زياد: يبقى خلاص أحنا مش هنروح خليهم يطلعوها لوحدهم.
البرادعي: ابعتهالي بكرة «اودي» بتقولي إذا ما مضتش عليها هيقولك مثلا أن أنا مبشتغلش يعني ناس معندهاش أخلاق يا زياد والله خلوا باين معتز دا فاكر لما قالي معتز هيلخص الكلام ده كنا بنتكلم على «رود ماب».
زياد: بالظبط كده احنا المفروض نخلص ورقتنا ونطلعها ونبدأ ندير عليها حوار وملناش دعوة بيها ونركز في شغلنا.
البرادعي: أه أنا معرفش الناس دي مفيش اخلاق يا زياد أبدا.
زياد: أه لا هما زبالة وأنا رأيي أن إحنا يعني نطنش و نشتغل وننجز في شغلنا لأن إحنا بنشتغل كده أحسن إحنا الائتلاف يأخد الخطوة بتاعت «الرود ماب» وحضرتك تاخد الخطوة بتاعة المبادئ فوق دستورية و المبادئ الدستورية العامة دي و حضرتك متروحش و احنا منروحش.
البرادعي: لا ما أنا مش رايح.
زياد: إحنا وضعنا في الائتلاف قوي اللي إحنا بنعوز نمشيه هنمشيه.
البرادعي: الائتلاف هيمضي على الورقة بتاعتنا مش كده ولا إيه.
زياد: الموقف اللي حضرتك هتاخده الائتلاف معاك.
البرادعي: يعني الورقة بتاعة حقوق الإنسان دي اللي هتطلع باسم الائتلاف معانا.
زياد: أه بالظبط كده.
البرادعي: وكنا عاوزين نوريها لبتوع الاخوان كمان.
زياد: نعمل ميعاد مع خيرت الشاطر، حضرتك علاقاتك بالكتاتني قوية ؟ صح .
البرادعي: أنا كنت بفكر شباب الإخوان كانو جايلنا بكرة.
زياد: شباب الإخوان هم عارفين المبادئ الرئيسية، وهم معانا.. وأنا قتلهم عموما كده إحنا بنعمل إيه ..المواد اللي إحنا نفكر فيها ومن رأيي ناخد البسطويسي في صفنا.
البرادعي: طيب شوف خلاص كده إن شاء الله حتى نروح للإخوان أنا معنديش مانع نروح لأي حد.