لمؤاخذة!

فلان: شفت قناة صوت الشعب؟!
علان: وكتر ألف خيرهم اللي عملوها.. كأننا عايشين تحت قبة البرلمان لحظة بلحظة
فلان: لكن برضه عملت مشكلة؟
علان: مشكلة ايه؟
فلان: طول ما الكاميرا موجودة.. بعض السادة النواب بيحاول يستعرض قدام أهل دايرته
علان: لكن البعض التاني بيتكلم بجد.. وعايز يوصل لنتائج مفيدة
فلان: بس أنا خايف مناقشات المجلس.. تبقي منولوجات واغاني وماتشات ملاكمة كلامية
علان: وآخرتها ايه!
فلان: السادة النواب بتوع المنظرة هيشبعوا من الكاميرا.. لما تبقي مناظرهم معروفة
علان: هو الشعب انتخبهم عشان يمثلوا
فلان: ايوه يمثلوهم؟ لكن مش "يمثلوا" عليهم!!
علان: وكله كوم.. والجماعة اللي بيقفوا في الساحة الخارجية وأول ما يشوفوا الكاميرا يتكلموا في المحمول بشكل عبيط.. وبعدين دول بيشتغلوا ايه؟
فلان: كومبارس!
ابن البلد