مصر في مرحلة حرجة.. لابد من المشاركة للرد علي أعداء الوطن

أكد موسي مصطفي موسي المرشح لرئاسة الجمهورية إن هناك رد فعل إيجابي من الكثير من الشباب بعد ترشحه للرئاسة الجمهورية.. موضحاً: "الشباب عايزين ينضموا معانا والقبائل العربية مؤيدين لينا وهتعملنا مؤتمرات".
أضاف موسي خلال لقائه مع قناة "النيل للأخبار" ان القبائل العربية تعدادها ضخم يصل ل 40 مليونا في مصر والمجلس المصري للقبائل العربية يتعدي 2 مليون وهذه المجموعات موجودة في 45 قبيلة بمحافظات مصر.
وعن خوضه الانتخابات كديكور استنكر موسي مؤكداً: "لينا تاريخ سياسي مينفعش نلعب ولا نخاطر فيه.. أنا داخل الانتخابات بجدية وبهدف اني افوز أي كان النتيجة وأنا نازل الانتخابات مش شكل بس ولكني أشارك بجدية وفي نفس الوقت بثبت كل الناس اللي بتلعب بمصر".
وأضاف: "أنا والرئيس عبدالفتاح السيسي في اتجاه واحد ومش أعداء.. الرئيس السيسي له شعبيته وناسه وأنا داخل بفكر تنافسي شريف. وعايز أحصل علي أصوات لها قيمتها ولو الرئيس السيسي فاز في الانتخابات هيكون لينا دور ونتعاون معه".
وتابع موسي: "مش عايز ألغي الدعم وقولت لو هلغيه لازم يكون فيه أرضية تساند الناس لكن لو مفيش حاجة فالدعم هيكون بيحافظ علي حياة المواطن المصري بس الفكرة ممكن تكون إعادة توظيف الدعم بطريقة معينة ويكون فيه فرص كتيرة للشباب".
وعن ثورة 25 يناير قال: "تعديل ما تم في 25 يناير هو ثورة 30 وسأكرم الرئيس الأسبق محمد حسني مبارك لأنه رجل عسكري وقام بدوره العسكري في أكتوبر والضربة الجوية مينفعش نلغيه".
مضيفاً: "القنوات التي تعمل فتنة في البلد سأغلقها والموقع الإلكتروني طالما لا يضر أحداً وليس به شيء مضاد يتكلم في السياسة زي ما هو عايز بس لازم نحترم حرمة البيوت والناس ولا نتطاول علي أحد".
وجه "موسي" حديثه للشعب: مصر في مرحلة حرجة ومحتاجة كل واحد فينا قائلا: اتمني من الكل أن ينزل يدلي بصوته ونرد علي أعداء هذا الوطن مصر كبيرة ومهمة لينا كلنا والمواطن المصري المسئول والمرشح الأساسي".