رسالة إلي بابا نويل

جيت الدنيا مشفتش بابا
وعشت طفل يتيم محروم
بابا نويل أنا برجوك
اتبناني وحياة أبوك
عايزك بابا
لمدة ليلة
عايزك بابا
لمدة يوم
أصل بابايا مات في مظاهرة
وجدي توفي في حرب الروم
كان بيخاف م النار والحرب
ماشي وراه علي نفس الدرب
منايا يا بابا السلم يدوم
وفرصة جميلة
انت الليلة
في كل بلاد الله معزوم
اعمل جولة
زور كام دولة
النعسان صحيه م النوم
العالم كله بياكل بعضه
الغلبان طردوه من أرضه
هدوا بيته وهتكم عرضه
واحتلوه وخدوه متهوم
بابا نويل
احنا في غابة
فيها وحوش
فيها ديابة
فيها الدنيا ضباب وغيوم
بص بعينك
من حوالينا
في أي دولة
في أي مدينة
الإرهاب حيوان بيزوم
في العراق في سوريا وليبيا
كل يوم بيموت مظلوم
بصفتك راجل دولي كبير
راجل طيب عنده ضمير
في كل بلاد الله معزوم
اخطف رجلك
طير علي كوريا
لف الدنيا
هدّي العالم هدّي القُوم
كوريا يا بابا
حتولعها
مفيش حد قادر
يمنعها
قالولي الصين بتشجعها
بابا نويل حاول تمنعها
أخاف الحرب التالته تقوم
وذري ونووي
وصواريخ عابرا
ويدخلوا فيها
الدول الكبري
وعينك كده ما تشوف النوم
وأمريكا دولة
قادرة وفاجرة
وأنا ولا حاجة
محلتيش حاجة
حتة شقة في شارع شبرا
بابا نويل
لو قامت غارة
وكام صفارة
وصوت طيارة
ألاقيني واقع في البدروم
ولا احباب
ولا أصحاب
ولا بواب
يقرا الفاتحة علي المرحوم
بابا نويل
اسمعني يا بابا
أنا وأطفال الدنيا بحالها
مش عايزين أي هدايا
ومجلس أمن
في سابع نومة
الناس فيه
طبعاً مخمومة
ده لا مؤاخذة ملهش لزوم
صوت الحق فيه مش طالع
صوت العدل فيه مكتوم
صاحب الحق ينام في الشارع
طول العمر يعيش مهزوم
وأي أزمة
ملهاش لزمة
تلاقي وراها ولاد صهيون
عايزين ياكلوا الشرق الأوسط
وإسرائيل الكبري تقوم
بابا نويل
ولاد صهيون
راكبين أمريكا
برة وجوة
وعلي العالم عاملة فتوة
شايلة في جيبها سلاح القوة
وماشية في شارع فيه الفيتو
كل شبر فيه ملغوم
والشيخ متولي
إمبارح قاللي
أمريكا يا ابني جاي لها يوم
الصبر يا ابني
أصله جميل
بابا نويل
انت أصيل
وانت ضيفنا في وادي النيل
بس ياريت
لو حبيت
نتغدي بكرة في شرم الشيخ
وبدع بكرة في الفيوم
ومصر أمان
زي زمان
وانت كمان
عايزين شحنة حب يدوم
عايزين كلمة حق صريحة
متخليش ولا بيت مهدوم
وأنا يا بابا
إنسان عاقل
خايف لكن
أنا متفائل
اننا كده طالعين قدام
وان مصر في خير وسلام
ولسه كمان في الخير حتعوم
ولو اتحدوا
عرب العالم..
يبقوا أقوي جيوش العالم..
ويعملوا عالم غير العالم..
مفهش حق
بريء مهضوم
ولا فيه ظالم ولا مظلوم
مع تحياتي
الشاعر
بخيت بيومي