خمس أنفار .. وباكو !!

خمس أنفار وباكو
يا مين يحلها ..
فزورة عويصة خالص
واصلة للمنتهي
تلات عيال وزوجة
وجنابي .. بعلها
والباكو كل دخلي
م الدنيا كلها..!!
اطرحها يا عم واجمع
واقسم علي مين ومين
واضرب علي قفايا
وأنا ماشي هاقول أمين
بس الباكو يكفّي
من غير يا محسنين
ما أقضيها شحاته
م الدنيا كلها
خمس أنفار وباكو
يا مين يحلها
بغد الايجار وغيره
من مصروف العيال
وميّه ونور أساسي
فواتير مفيهاش فصال
سابكها ع العيال
وفيلم من بطولتي
قايلهم بلدنا
بتنتج صنف واحد
يادوبك واسمه بلطي
وضروري في يوم
ضروري ..
هايقابلوا صنف بوري
وساعتها أكيد ساعتها
حلال ... هيجلها !!
لو عندك ليا حلّ
ما يخلينيش أتشلّ
ضروري وع الأقل
أرجوك "كلمني شكراً"
وابقي ادفع حقّها
خمس أنفار وباكو
أشكّ ف حلها
قصيدة : علاء عبدالمنعم