العريس مصري.. والبوسة فرنساوي

في بهو فندق خمس نجوم علي النيل بدأ الاحتفال بليلة العمر للعروسين بالزفة البلدي ورقصة الشمعدان ووسط سعادة أهل العروسين ارتسمت السعادة أيضاً علي وجوه أفراد فوج سياحي فرنساوي أعجبه الفلكلور المصري وأجواء الفرح.. وعلي طريقة الفرنسيين في التحية قاموا بالسلام علي العريس وطبع قبلة علي خد العروس.
الفرنساوي الأول عملها والعروسة في نصف هدومها من الكسوف وهي تنظر للعريس علشان يتحرك ولكن سهم الله نزل عليه وجاء الفرنسي الثاني وطبع قبلة.. والعريس صامت لا حول له ولا قوة.. أما الثالث فاندفع نحوه أشقاء العروسة.. وعيب يا خواجة ما يصحش.. وما عندناش كده.. المهم الليلة عدت علي خير.. ولكن المشكلة في خضة العريس.