الشَّيَّال

* قالولي: الشايب دا متخنس..
وبيتهيأله إنه زير ستات..
ومطول شعره الشايب..
بيهفهف علي ضهره..
الضهر اللي اتدهور من كتر حموله..
الكائن لابس بدلة راجل..
إنما شيال
* قالولي: الأعور دا مش شاعر..
قولتلهم: ليه؟؟..
قالولي: الشاعر يحترم الشاعر..
ويقدر قيمته ولا يكسر هيبته..
بتنطع. وتمطع. وتهرب..
أخلاق شيالة.. بيشيلوا زبالة..
وساعات زبال.. أنضف من دا الشيال..
* وقالولي: دا مخبر..
متعبي أوامر سيده..
أما انت.. كسرتي وزيره..
لميتي الشعب لحد ما طلع أساريره..
طلعنا حراير نساوينه من المكتب..
ونزلتي عليه عجب!!..
لحد ما راح السجن..
* قولتلهم: إيه يا جماعة.. القصة أبسط من أي فظاعة..
قالولي: كله منفد علي بعضه..
والمخبر ندل.. علشان يتنطق..
بيبيع العدل..
بس انت كبيره. ومالكيش في الغدر..
* قولتهم: غدر وندل وعدل؟!..
عايزين إبداع.. جدرانه قوية..
تتسند علي كتفه بهية..
ضحكوا وقالولي: في المشمش..
طول ما سي سمسم عاشق بيطار..
ابداعكم طار. واتدحرج علي عزب الدجال..
طول ما سي سمسم فرسه ومحتاج خيال..
انسوا يا حبايب مصر..
ابداعكم هايضل خيال.. بإدين شيال..
خارج من روقه الشيال