الشباب أعلنوا الثورة ضد شركات الإنترنت تحت شعار "ادفع فاتورتك فكة"

دعت حملة "ثورة الانترنت" علي صفحتها الرسمية علي "الفيس بوك" إلي أولي خطواتها التصعيدية ضد الشركات المقدمة لخدمات الانترنت أمس لعدم استجابتها للمطالب بتحسين خدمة الانترنت وهي دفع الفواتير فكة "جنيهات وانصاص واربع".
وأصدرت الحملة بيانا علي صفحتها علي "فيس بوك". قالت فيه "هندفع الفواتير كلها فكة. يوم دفع فاتورتك خد حد من أصحابك أو أكثر علشان متبقاش لوحدك. وخد قيمة فاتورتك جنيهات فكة. ياسلام لو انصاص واربع -وروح ادفعلهم فاتورتك. تقدر تجيب فكة من أي بنزينة أو موقف ميكروباص. وحد من أصحابك يصور يبعتلنا الفيديو علي الصفحة الرسمية وما تمشيش قبل ما يخدوا منك الفكة ولو رفضوا قولهم دي فلوس الحكومة. ولو رفضوا اتصل بالشرطة. وده نص القانون "قررت وزارة المالية تغريم من يمتنع عن التعامل بالعملة المعدنية من فئة الجنيه والنصف جنيه".
تابعت الحملة "يعني متقلقش انت بمتعملش أي حاجة غير قانونية وخليك واثق من نفسك اتصل بالجهاز القومي لتنظيم الاتصالات "155" اعمل شكوي في الشركات المزودة" مضيفا: "لو مشترك في عرض الطلقة أو سبيد غير الاشترك لأي عرض تاني.
اختتمت لو عددكم في العمارة 5 روحوا الفرع اعملوا إيقاف ل4 اشتراكات لمدة أسبوع. وخدوا وصلة من بعض- متجيبش سرعة غالية. استحملوا بعض لمدة أسبوع هنخسرهم كتير".
واستجاب اليوم عدد كبير من مستخدمي الانترنت في مصر وبالفعل بدأوا بدفع فواتير الانترنت بالفكة.