شر البلية ما يضحك.. ولا يزال المصريون أبطال العالم في "النكتة"

جاءت مباراة غانا ومصر في التصفيات النهائية لكاس العالم وتحليلها بل و"تشريحها" بشكل مختلف علي صفحات موقع التواصل الاجتماعي "الفيس بوك" ولا يمكن تجاهله أو اغفاله في عيون "الفيسبوكاتية" بعد هزيمة منتخبنا 1/..6 ولذلك كان من الضروري رصد أبرز التعليقات خلال ال 24 ساعة التالية للمباراة التي وصفها البعض بالفضيحة وآخرون بالهزيمة الكارثية ورأي ثالث بأنها زلزال بقوة 6 ريختر يمكن أن يعصف بوزارة طاهر أبوزيد الكروية واتحاد جمال علام بالجبلاية وضرورة المجيء بمجلس جديد مع التجديد الشامل لمبني الجبلاية.
وإليكم بعض التعليقات التي كانت الأبرز وقام الفيسبوكاتية بالتعبير عنها علي لسان بعض نجوم المجتمع المصري سواء السياسي أو الإعلامي والرياضي أو حتي نجوم المجتمع المصري سواء السياسي أو الإعلامي والرياضي أو حتي الفني والتي توضح خفة الدم المصري.. حتي في أصعب النتائج فشر البلية ما يضحك.. فقالوا:
لميس الحديدي: ومعنا تامر من غمرة بيقول إن الأجوان الستة دول بتوع لاعبيتنا لكن الحكم إخواني.
* عادل إمام: هي "الشبكة" بتوجعك أوي يا واد ياع إكرامي؟
* سعيد صالح: لما انتو ضعاف في الرياضة مادخلتوش أدبي ليه؟
* الفنانة الراحلة ماري منيب: جاتكو ستين نيللالالالالاه!!
* الفريق أحمد شفيق: إيه.. إيه؟؟
* يونس شلبي: هو أيه اللي حصل قولوا بس وأنا أقول 6 في مين ولا إيه اللي حصل قولوا بس أنا عارف مين اللي راح ووشه كان السبب..
* عماد أديب: بهدووووووووووووووء هي النتيجة كام كام.
* يوسف داوود: ياخراشي يا أبوزيد ياريتك مارحت ولا زيت.
* محمود سعد: وإيه يعني يا جماعة غانا.. الحزن غانا.. عادي إحنا شعب متعودين ع الحزن يوم العيد.. اشمعني الكورة مش هي دي اللي شبه البطيخة.. طب والله البطيخة.. أحلي ع الأقل حمرا.. حمرا.
* الكابتن حنفي بسطان: ستة من غانا.. ماتحجيبش سيرة!!
* الكابتن لطيف: وأنا شايف طاهر أبوزيد في الملعب ولاعيبه المنتخب ومعاهم برادلي في المدرجات خايفين والجمهور في الشوارع بيسخن قال عشان يفرح وشوبير وأيمن يونس وربيع ياسين وهاني رمزي وفاروق جعفر وأسامة خليل ونادر السيد ووليد صلاح الدين حتي سعيد لطفي تحولوا بقدره قادر تقطيع في الجميع حتي في علاموصحابه.. إيه ده إيه ده اللي أنا شايفه ده دا حتي مجدي عبدالغني حولها سبوبة مياه غازية!!
* علاء صادق: محدش يزعل يا شريف أنت والشناوي "ستة" دخلوا فيكوا أه.. يامحظوظين!!
* توفيق عكاشة: مش قلتلكم إن الواد أبوتريكة إخواني ماسوني أهو باع الماتش وعندي الدليل إسألوا مخابرات خالتي بهانة الست صاحبة أمي من زمااااااان.. اصحوا بقا يا شعب.
* شوبير: أحمل المسئولية لبتوع الألتراس اللي راحوا المطار.. اللاعيبة خافوا يرجعوا يلاقوهم قالوا نتغلب بالستة ومانرجعش!
* عمرو أديب: دي مباراة بنت ستين كلب.. ست إجوان يا كفرة!!
* طاهر أبوزيد: يا فرحة خالد زين واللجنة الأوليمبية وأبطال الألعاب الفردية أصحاب الميداليات الذهبية الحقيقية.. فيه ياختييييييي!!
* مدحت شلبي: واد يا نصر إلغي الطبلة وبلاش تحزمني هاتلي "قامطة" أربط دماغي.. ياض!!
* جمال علام: مش راجع مركز شباب أبوطشت "بالأجصر" وأسيبها لزاهر ورجالته يمكن نعمل حاجة قبل روسيا .2018
* كريم شحاتة: وإلي اللقاء في تصفيات كأس عالم قادمة وابقوا قابلوني إن شمتوها ودعونا ننتقل للوصف التحليلي لخيبتنا مش قتللكوا خللوا بابا!!
* جمهور مصر: جت الحزينة تفرح مالقتلهاش مطرح من شحاتة أبوكف لبرادلي.. يا قلبي لا تحزن.