ثار نقاش ساخر بين الإعلامي "عمرو أديب" و زميلته الإعلامية "رانيا بدوي" على خلفية إبداء الاول غيظه من الشباب الدائم للمطرب "عمرو دياب" . وقال أديب في برنامج "القاهرة اليوم" الذي يقدمه : " (عمرو دياب) بقى عنده 26 سنة ، دة كل يوم بيصغر وبيعمل أي شريط يحط فيه أي مزيكا بيخلص كله ، (عمرو دياب) بيطلعله شعر وأنا شعري بيقع ، ليه ميبقاش هو (أديب) وأنا ( دياب) دة تغيير في الحروف ، الراجل بيطلع له عضلات في وشه " . و ردت "رانيا بدوي" : "قول بسم الله ما شاء الله .. أو الله أكبر " .. فرد "أديب" : "هو (عمرو دياب) بيأثر فيه حاجة؟ دة فولاذ ، وكل حاجة فيه بتتحسن ، بذمتك فيه نسب وجه طبيعية عاملة كدة؟ .. دة شاب في الثانوية العامة ، وأنا بلعب كل يوم رياضية ومش زيه .. في رقبة حد داخل على الستين تبقى كدة؟ " وتابع : " منزل شريط اسمه (عمرنا ما هنرجع زي زمان) دة بيغيظني .. دة مفيش حباية في وشه وأنا وشي مليان حبوب .. طب دي صورته وهو بيضحك .. شوفيني وأنا بضحك بقى .. شايفة وشي بايظ ازاي؟ " وعلقت "بدوي" قائلةً: " يا جماعة حد يتصل ب(عمرو دياب) ويطمن عليه " . الفيديو: