باسم يوسف ل«السيسي»: أهلًا بك في صفوف الجماهير

وجه الإعلامي الساخر باسم يوسف، انتقادات لاذعة للرئيس عبدالفتاح السيسي، لأول مرة منذ وصوله للحكم، بسب تدهور الأوضاع الاقتصادية والسياسية والأمنية في البلاد.
وطالب «يوسف» الرئيس السيسي بأن يعلن صراحة تحمله مسؤولية الأوضاع السيئة في مصر أو أنه غير مسؤول عن ذلك ومن ثم "فأهلاً به في صفوف الجماهير" بحسب قوله.
وكتب الإعلامي الساخر عبر صفحته الشخصية على موقع التواصل الاجتماعي "فيس بوك":« سيادة الرئيس طبيب الفلاسفة عبفتاح السيسي : أصل حاجة من الاتنين : يا إما انت مسئول مسئولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب و صحفيين مش المفروض يبقوا في السجن لاقتصاد بايظ بسبب قرارات غبية قلنا قبل كده أنها غبية لناس بتطلع تهفلط و اسمهم لواءات لسياحة بايظة مرة عشان طيارة بتقع و مرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب و يقتل أجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل و الغباء و الغشومية».
وتابع باسم يوسف قائلًا:« المهم يا سيات الرئيس نرجع لموضوعنا: يا إما أنت مسؤل عن كل ده مسؤلية كاملة يبقى أنت كده صاحبي و حبيبي و كفاءة و عرفنا المسؤول مين يا إما انت مش مسؤول خالص و انت زيك زيينا بتتفرج و مش فاهم حاجة و مالكش لازمة زينا بالظبط و في الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي؟»، حسب نص كلامه.
شاهد الصورة..