أعرب الإعلامى عمرو أديب عن استغرابه من حالة الخوف التي تصيب الشعب المصرى من يوم 25 يناير ، قائلا:" عمري ما شوفت شعب في العالم كله بيخاف من يوم ثورته غيرنا، الناس كلها بتحتفل في ذكرى ثورتها إلا إحنا". وقال أديب عبر برنامجه "القاهرة اليوم" المذاع على قناة "اليوم": 25 يناير بيبقى يوم نكد وتربص ، هو حاجة وحشة أوي كده، مش ده يوم الثورة برده، ده شيء غريب جدًا، أنا معرفش حد عايز ينزل يوم 25 يناير يحتفل، ذكرى ثورة يوليو الدولة تحتفل، لكن يوم 25 يناير الدولة مش بتحتفل به خالص، لأن ده يوم مصيبة". وتابع:" هنفضل في عقدة 25 يناير سنوات قادمة عديدة، ولكني أؤكد أن الكتلة الحرجة القادرة على التغيير غير موجودة مع القوى المضادة"، لافتا إلى أن "25 يناير الثورة مكنش في حد مع مبارك، و30 يونيو مكنش في حد مع مرسي، لكن النهاردة في ناس كتير مع السيسي".