"هشام سليم" ل"ياسمين عبدالعزيز": آخرك بتاعة كرشة

تحولت قضية الفنانة ياسمين عبد العزيز مع ابنتي الفنان هشام سليم, إلى حرب التراشق بالألفاظ, فبعد أن تحدثت ياسمين, عن تفاصيل الحادث الذى تعرضت له من ابنة هشام سليم، والذى انتهى بحكم قضائى بحبسها 3 أشهر غيابيا, قرر هشام سليم أن يرد على ما قالته ياسمين عبد العزيز، وذلك عبر صفحته على موقع التواصل الاجتماعى "فيس بوك "، حيث نشر مع رده صورة ضوئية لما قالته ياسمين عبد العزيز عبر صفحتها.
وقال هشام سليم مخاطبا ياسمين: "أولا: انا الحمد لله تركت القرية اللي انتي فيها مش علشان الناس طردوني زي ما بيحصل للي ما يعرفوش الأصول وأنا فعلا لا يشرفني ان تكوني جارتي لأن سمعتك في الوسط سبقاكي.. وثانيا: القضية لسه ما خلصتش ولما الحكم النهائي يطلع أرجو أن يظل القضاء عادلا لأني سأثبت أنكى كاذبة وتتمادين في الكذب حتى اليوم".
وأضاف هشام: "ثالثا: انتي في المحضر قلتي "صوت عالي طالع من الفيلا بتاعتي اللي جانبك"، طب ما قلتيش ليه إن فيه حفلات صاخبة وبنات وولاد وشوية تحابيش من اللي بتأليفها؟.. رابعا: ألفاظ إيه اللي بتعفي عن قولها لما الوسط كله سمعك بتقوليها قبل كده وأكيد بناتي لم يقولوها "فاكرة التورتة اللي لبسوها في وشك في التصوير".. وخامسا: ايه اللي وداكي عند جارك وقابلتي بناتي برة امام الفيلا يعني ما كانوش جوة في الحفلة الصاخبة".
وتابع: سادسا: لما الولاد والبنات طلعولك وهذا يؤكد أنك كنتي أمام فيلتهم ما فيش غير بنتي اللي ضربتك بالموبايل؟.. ده المفروض كانوا كلهم يتلموا عليكي ويتسلوا عليكي.. وسابعا: ما جيبتيش سيرة العربيات السودة والبودي جاردات وطلبك يطلعوا المسدسات ليه؟.. ثامنا: مش تفهمي الأول القضايا بتمشي إزاي قبل ما تقولي المحكمة حكمت ولا الجهل القضائي عندك زايد..لو كده اسألي شلة المحامين اللى إنتى جايباهم..وتاسعا: لن أعتذر لكى، لاني كلمتك اول يوم وجوزك رد عليا بعد تالت مرة.. وانتى غلطانة انك نزلتي من بيتك وتكلمتي مع عيال واللي يمشي ورا العيال ما يخلاش من التهزيق".
وتابع: "ونصيحة مني علشان تكذبي لازم تكذبي صح وما تنسيش اللي قلتيه قبل كده.. وإلى اللقاء في الحكم النهائي ويا تري لسه بتلعبي اسكواش؟".
واستطرد هشام سليم فى تعليق آخر: "وصلني إن ياسمين عبد العزيز كتبت علي "انستجرام" إنها كانت منتظرة الحكم حتي تتكلم وبعد ان تكلمت قالت ان بناتي كان عندهم حفلة للساعة الخامسة صباحا وإن الحفلة بها ولاد وبنات وسكر وحتي أوضح كذبها:
أولا: الحكم درجة أولى وغيابي فهو ليس نهائيا وثانيا : لماذا تشتكي من الصوت العالي للتلفزيون إذا كانت هناك حفلة ؟ هل صوت التليفزيون اعلي من الحفلة؟ ..كنت أتصور أن تشتكي من الحفلة ومن السكر وليس من صوت التليفزيون وأن تثبتي ذلك في المحضر" .
وأضاف: "لم أتدخل حتي الآن وكنت مسالما ولكن كلامك هذا عندما يخص بناتي وسمعتهم لن اسكت عنه..والحكم سيأتي وستُرفع عليكي قضايا أخرى بالتشهير بسمعة بنات الناس".
واختتم هشام حديثه قائلا "جملة أخيرة: طريقتك لن تزيد من شهرتك خاصة وأنتى كاذبة من وقت حدوث المشكلة..وآسف أن تكونى من الوسط الفنى وكان يجب أن تكونى بتاعة كرشة".