فيديو.. السبكي: في هذه الحالة سأنتج فيلمًا تاريخيًا

استنكر المنتج أحمد السبكي، هجوم بعض الصحفيين عليه وعلي أفلامه، وقال هناك حملة ضده ممن وصفهم بالفاشلين، وأوضح أنه لا يستطيع إنتاج أفلامًا تاريخية ودينية، لأن ذلك “دور الدولة”، مضيفًا: “يوفرولي كل الإمكانيات والسيناريو الصح وأنا اعمله”.
وقال السبكي في مداخلة هاتفية لبرنامج “البيت بيتك”، المذاع علي قناة TeN : “اللي بيتكلموا عليا فاشلين، وبعدين اللي شايف إني أنا بوظت الذوق العام يجي هو يعدلوا، ولما بسمع الكلام ده ببقي نفسي أعرف أنهي أفلام دي اللي بوظت الذوق العام”.
واستكمل السبكي : “ده فيلم إبراهيم الأبيض كان من أوله لآخره تقطيع وسكاكين ودم، ومحدش إتكلم عليه ولا عشان السبكي هو اللي معملوش، ولا عشان مروان حامد هو اللي عملوا، كما أشار السبكي انه يعتز بجميع أفلامه”.
وتابع السبكي : “السينما صناعة وتجارة وفن، أنا بعمل كل حاجة، وداخل فيلم مع يسري نصرالله، اللي هو عمل جنينة الأسماك وبعد الموقعة، فالناس هتستغرب إزاي، لإني لو عملت أفلام من نوعية الحرامي والعبيط بس لوحدها، أو من نوعية أفلام يسري نصرالله بس لوحدها يبقي مش هكمل، فأنا بعمل كل الأفلام، وبشتغل لأني بحب المهنة دي”.
وأضاف السبكي: “إحنا اللي مشغلين السينما أساساً، فين الصناعة، وعايز حد يشاورلي علي حاجة وحشة أنا عملتها”.