هانى رمزى يصدم أحمد زاهر بتصريح عن زوجته

قال الفنان هاني رمزي ، مقدم برنامج المقالب «هبوط اضطراري » للفنان أحمد زاهر ، الذي كان ضيف الحلقة الثامنة من البرنامج، إن زوجته هي التي طلبت تنفيذ هذا «المقلب» به.
وأضاف «هاني» ساخرًا: «مش أنا السبب، مراتك السبب، قالتلي عاوزة أشوف مدى إخلاص (أحمد) ليّا، قلتلها خلاص هحط له مُزة جوه ونشوف مدى إخلاصه، بس إنت طلعت مخلص مبروك يا (أحمد)».



وتعجّب «زاهر» من حديث «رمزي»، وقال مستنكرًا: «مراتي؟ إزاي؟ مراتي هي اللي عملت فيّ كده؟ دي هي عارفة إني بخاف من الطيارة أصلًا».



وظهرت زوجته من بعيد وكانت تضحك وظلت تلوح له بيديها، فقال له «رمزي»: «مالناش دعوة ابقى اعمل اللي إنت عايزه فيها بعدين».



وكاد «زاهر» يبكي، وقال: «هو إنتوا ليه يا جماعة بتعملوا فيّا المقالب دي كل مرة؟».