محمود سعد ل «ليليان داوود»: كلنا بنشتم

انتقد الإعلامي محمود سعد "الهاشتاج" الذي يدعو إلى طرد الإعلامية اللبنانية ليليان داوود إلى خارج مصر، بسبب مواقفها المعارضة لبعض سياسات النظام.

وقال سعد عبر برنامجه "آخر النهار" على فضائية "النهار" حخلال مداخلة مع داوود: "قبل ما ليليان تمشي احرقوا أفلام نجيب الريحاني ولا نسمح لنانسي عجرم بدخول مصر".
وتابع "من إمتى بنقول ده مصري وده مش مصري ، ده جنازة فريد الأطرش مكنوش عارفين يخرجوها من عمر مكرم من كتر الزحام، كمان صباح مش مصرية، وأنا صغير كنت بشتري الصابون من عم زكي اليهودي".
واستدرك: "اللي مش بيحب ليليان يقول إنها مش كويسة، لكن مش تتكلموا على الجنسية، وعامة يا ليليان كلنا بنشتم، الوضع مرتبك ومصر ابوابها مفتوحة ليكي ولا تدافعي عن نفسك".