تفاصيل تعذيب المصور أحمد جمال ب «أبوزعبل»

شقيقه يروي التفاصيل:

كشف محمد جمال زيادة، شقيق المصور الصحفي المعتقل أحمد جمال، المعتقل منذ 28 ديسمبر من العام الماضي، تفاصيل تعرض شقيقه للتعذيب، داخل المعتقل، بعد زيارته له اليوم داخل محبسه بسجن "أبوزعبل".
وقال جمال في تدوينة مطولة عبر صفحته على موقع التواصل الاجتماعي "فيس بوك": هلخص اللي حصل النهاردة في زيارة احمد جمال زيادة ب"سجن أبو زعبل.. كالعادة في أي زيارة نستنى طابور ساعتين واللي بيكرمش فلوس بيدخل على طول وتفتيش ولأن احمد مسجون سياسي مش بيتعادله كتب او جرايد .. مش زي الجنائيين اللي بيدخلهم حشيش لو كرمشوا عشرة جنيه لأي حد".
وأضاف: "النهاردة قعدنا مستنيين أحمد أخويا لاقينا المساجين كلها خارجه عليهم علامات الضرب، واحمد شعره مبهدل ومبلول و وشه عليه علامات الضرب".
وتابع في وصفه لما يتعرض له شقيقه: "قاللي ان كان في تفتيش من إدارة السجون وأمن الدولة دخلوا الفجر قلبوا الزنازين ونزله فيهم شتيمه وسب دين وطبعا احمد مكنش متقبل ده كلها .. وكان احمد راسم جيكا على الحيطه فالضابط سأل احمد مين اللي انت رسمه ده".
وأردف: "احمد قاله ده واحد من اللي قتلتوهم .. فالظابط قال لأحمد انت بقى اللي عاملي إضراب يا ابن ميتين الكلب واتجنن وفضل يشتم فيه واعتدى عليه بالضرب ونزل فوقيه بالعصيان، وخلوا كل المساجين تبقى وشها ف الحيطه وايدهم فوق راسهم زي الاسرى .. ولما رفضوا يعملوا كده، نزلوا عليهم بالعصيان ع ضهرهم".
واستكمل: "احمد ضهره متورم و وشه كمان .. حرقوا كل هدومهم الشتويه واخدوا بطاطينهم.. و خدوا الميه اللي ف الزنزانه اللي بيشربوا منها و خدوا كل السجاير الي معاهم وكسروا الراديو اللي كان ف العنبر وقاللهم انا هسمعكم صوت الضرب بدل الراديو يا ولاد الو... ونزل عليهم بالضرب بالعصيان و الشتيمه".
ومضي بقوله: "احمد كان بيقول ان كللهم ملثمين هم اللي ضربوهم .. وفيه كمان خمسه وعشرين معتقل و‏احمد مصطفى وراجل كبير معاهم عنده 62 سنه .. متربطين من أيدهم ورجليهم ومرميين ف الأرض .. والراجل الكبير ده متألم جدا .. عشان رفضوا يتعاملوا معاملة الاسرى" !!
واختتم: "احمد النهارده اول مره في حياته يحس انه عاجر و متهان من الي حصل معاه"!
وألقي القبض على زيادة بتغطية الأحداث بجامعة الأزهر بتاريخ يوم القبض عليه في 28ديسمبر 2013، وهو ما يناقض رواية الشرطة التي ألقت القبض عليه وتم اتهامه بالاعتداء علي قوات الشرطة، وتكدير السلم العام، والتظاهر دون إخطار، وقطع الطريق، والدعوة إلى قلب نظام الحكم، وحيازة أسلحة.