إحدى المشاركات في فيديو "الثورة الإسلامية": ضحكوا عليا

نشطاء: تعرضت لتهديد شديد

اتهمت سارة خالد - إحدى المشاركات في الفيديو الترويجي لانتفاضة الشباب المسلم - قيادات تحالف دعم الشرعية بخداعها للمشاركة في الفيديو والادعاء أنه يخص احداث محمد محمود !
وقالت سارة في تدوينة : بصوا حاجه كدا مكنتش عايزه اتكلم فيها ... بس الظروف خلتنى لازم اكتبها ... الفديو اللى اتنشر و كله هجص و كدب عن نزول يوم 28 نوفمبر و للاسف اضحك عليا ب ان دا مش عشان كدا و جو رخيص اوى كدا ... و فى الاخر طلع الفديو بدعم من التحالف السبوبه و من السلفين اللى معرفش بيعبروا عن ايه بالضبط ف البلد ... انا ببساطه كدا شديده ضد النزول و ضد اننا ندفع الشباب للدم و الاعتقال عشان ف الاخر حاجه مش هتنجح .. ضد التظاهر اللى مش بيجى من وراه غير الدم .. ضد القيادات اللى لما اتصدمت من الفديو و طلبت انه يتشال قلولى حرام الفلوس و التعب تروح ع الفاضى اختفى بس يومين و خلاص .. الفلوس بقت اغلى منا و من الشباب و من الدم ... ضد ثوره او تظاهر بيقودها ناس زى دول ... 28 نوفمبر مش تنزززل دمك غالى و كله هيبعك
فيما رد الناشط عز الدين دويدار على كلامها قائلاً: سارة خالد . البنت المعتقلة المعروفة اللي أفرج عنها قريب ..
شاركت في فيديو برومو الجبهة السلفية .. وكانت عارفه يعني ايه جبهة السلفية وعارفه انه دعوة للنزول ... وشيرت الفيديو على صفحتها وكمان كانت بتفتخر بيه ومش خايفه من الظهور فيه .. وده واضح في ردودها على أسئلة آسك ..
الجديد ان أول امبارح حساب سارة على فيسبوك كتب بوست بيقول انها انضحك عليها وهي ضد النزول اصلا ومالوش لازمه وانها ضد الدم والقيادات بتضحي بالشباب وإنها طلبت من القيادات مسح الفيديو فرفضوا لأن الفيديو انتشر واتكلف وأصبح أمر واقع . وتبرر بذلك غضبها
الغريب انها عملت منشن لوائل عباس !! مع ان مالهاش علاقه بيه .. ووائل شير ونزل شتيمه في الإخوان ومعظم النشطاء العلمانيين استغلوا البوست ضد فكرة النزول يوم 28
وتداولته صفحات مؤيدي السيسي كدليل على انقسام في الإخوان ومؤيدي الشرعية وهكذا .
الغريب ايضا انها لم ترد على مئات التعليقات على البوست ولم تكتب من وقتها للآن رغم الظنون حول إعادة اعتقالها أو تهكير الأكونت . الموضوع كله غريب ويتناقض مع مواقفها الواضحة حتى قبل ساعات قليلة من البوست المثير للجدل .
تعليقي '
الثابت ان التحول 180 درجة في موقف سارة جاء نتيجة تهديد شديد بعد مشاركتها في الفيديو .. البوست لا يعبر عن إرادتها الحقيقية . والظن انها عندما طلبت مسح الفيديو فرفضوا فكتبت البوست لتدفع عن نفسها التهديد ... أو تم تهكير حسابها أو استخدامه رغما عنها .
ونشر دويدار صورة لحساب "سارة" على موقع "أسك" تدافع عن مشاركتها في إنتفاضة الشباب المسلم :