علاء عبد الفتاح: اليوم أدركت أن أبويا مات

كشف الناشط السياسي علاء عبد الفتاح عن زيارته لأخته سناء سيف الإسلام المحبوسة بسجن القناطر أمس الخميس وعن مدي سعادته برؤيتها علي الرغم من حزنه الشديد ورغبته في أن يتم الإفراج عنها وذلك في تدوينة له علي موقع التواصل الاجتماعي "فيس بوك" قائلا: "امبارح زرت سناء ولأنها كانت وحشاني جدًا رجعت من الزيارة مبسوط النهاردة رجعت سجن القناطر مع منى عشان نوصل شنطة هدوم فقط، من غير ما نشوف سناء دي اللحظة اللي أدركت فيها إن سناء محبوسة بجد وأدركني الهلع".
وتابع عبد الفتاح: "يوم الدفن بابا كان واحشني ورغم تحول اليوم لحاجة أكبر وأعقد من طقس عائلي لدفن أبويا الخمس دقائق اللي قضيتهم معاه في القبر كاشف وشه وبكلمه ريحوني. النهاردة زرت القبر. دي اللحظة اللي أدركت فيها إن أبويا مات بجد وأدركني الهلع".