نشطاء لوزير الكهرباء: "ما تقوم تطمن على السد العالي"

تباينت ردود أفعال نشطاء موقع التواصل الاجتماعي "تويتر"، عقب استيقاظهم صباح اليوم، على انقطاع التيار الكهربائي والمياه وشلل المترو وتوقف الخدمة ببعض المنشآت الحيوية كالبنوك، بين غضب عارم وسخرية من الواقع.
ودشن نشطاء "تويتر"، هاشتاجين ساخرين تعليقًأ على الأزمة، وهما: "#الكهرباء_قاطعة"، و"#مصر_ضلمة".
عبر باسم كامل، عن ضجره ساخرًا: "السيد المحترم صاحب مقولة (وبكرا تشوفوا مصر) ممكن حضرتك لو سمحت يعني بعد إذنك تحاول تشغل الكهرباء علشان مش شايف مصر في الضلمة".
وقال أحمد غزالة، "بعد ما الواد أبوعشرين جنيه اللي كان بيقطع الكهرباء أيام مرسي أثبت كفاءته أتعين أيام السيسي وزير كهرباء".
وعلق محمد العطار، قائلًا: "ضلمة يا دنيا ضلمة"، وقال عبدالعزيز الكاشف: "طوبى للي عنده شاحن وتكيف في العربية"، وعلق طارق بشكل مختلف، قائلًا: "محطات حفظ الأغذية والخضروات واللحوم تتضرر بسبب قطع الكهرباء عن الثلاجات.. وطبعًا الشعب سيبلع أكلًا فاسدًا".
قال عدنان ساخرًا: "رحت اشترى بطارية للموبايل، صاحب المحل قالي اشحنها 8 ساعات (متواصلة) أنا ضحكت، وصاحب المحل ضحك، وواحد ماشى بالصدفة ضحك"، وقالت "موكا": "اللي يختفي من على التايم لاين دلوقتي أعرفوا إن شحن تليفونه خلص ومش عارف يشحنه!".
وقال عماد الدين: "لسان حال المسؤولين.. الشعب المصري غير مؤهل للكهرباء"، فيما وجه محمد كلامه لوزير الكهرباء قائلًا: "ما تقوم تطمن على السد العالي". فيما علق أحد النشطاء، قائلًا: "هي مناورة بس وسعت منهم شوية".
وعبر أبوصلاح عن غضبه، قائلًا: "إحنا نزلنا تحت خط الجهل والتخلف بمراحل أقسم بالله.. قدامنا كتير عشان يتقال علينا متخلفين..إحنا أقل من المتخلفين كتير"، وطالب عماد، الدكتور محمد شاكر وزير الكهرباء، بتقديم استقالته، قائلًا: "إن لم يستقل وزير الكهرباء في ظرف كهذا، فمتى يستقيل.. استقيلوا يرحمكم الله".
من جانبها، عبرت صفحة "6 أبريل" عن غضبها من استمرار أزمة انقطاع الكهرباء، قائلة: "نشكر الأطفال اللي كانوا بيموتوا في الحضّانات لما الكهرباء بتقطع مرة في اليوم ودلوقتي صامدين برغم إنها بتيجي مرة فى اليوم".