الاستلهام قبل البيان

يخرب بيت جنابه على اللي نابه لما خد مناب اكبر من منابه.
إيه اللي جرى له غير عسر هضم وتلبك ودعوى طايرة .
صابته ولا ما صابيته هي في طريقها ليه وتصيبه في مصرعه.
هي المحروسة من زمان كده ولا إحنا مكناش عارفين.
مسميات نجيب سرور كانت تحت القهر، ولا الدعارة ليها ميت لون.
صحيح مخرجها كان زى ما قال سرور ولا يزعل لأنه ايموز مش زى ما قال سرور.
غيروا لون علمك يا بلادي بقى لون القتل و الدم .
وبعدين حطوا الكفن لما وصموه بنسر العسكر .ونسيوا إن النسر على الجيفة يعيش .
وختموا بالحداد للي لسه عايشين وعلى تاريخك كانوا محافظين.
هم بدلوا علمك لما كان الأخضر والنجوم هي هدفك يا بلادي .
اخضر بلون زرعك ونمائك ونجوم دليل مكانتك وعطائك.
ليه العسكر دايما خوانين وعلى المؤامرات عايشين .
شعبك يا بلادي قادر على الحياة والطغاة دايما مصيرهم زى النمرود .
لن يموت شعبك يا بلادي طول ما البطن ولادة وللحق هي معتادة.
عبادتنا للإله هي حياتنا ونصرته هي أملنا .
لن تغيب شمس حريتك يا بلادي حتى لو خلوا البياده هي رمزك وشعارك.
هترجع خضرتك لينا تانى ومش هنهتف ونقول زى ما قال سرور..
هي صحيح سميات نجيب سرور ولا مسميات .
ولا كان في القيادة عاشق فخلوه يغرد كده سميات وكده مسميات..
يخرب بيت جنابه على اللي جابه ...