من مشاركات القراء.. فاكراني؟

فاكرانى..؟ أنا زميلك أنا
زمان كنا زملا ..فى فصل تانية تانى
كنا بنلعب سوا.. تجرى و تستخبى
و تقوليلى موش ها تقدرتعرف تاني مكانى
كنا بنحلم سوا.. و نسأل بعضنا
و الشاطر اللى يقدر.. يجاوب قبل التانى
كنا بنضحك سوا.. كنا بنفرح سوا
و كمان فاكرة زمان.. رسوماتك و الألوان
استغربنا سوا.. لما رسمتى قلبين
بيطيروا فى الهوا
ماشوفتكيش بعدها
دورت عليكى فى الفصول كلها
سألت عند بيتك.. قالوا ...... سافرت بعيد
بكيت بالدموع.. و طفيت كل الشموع
إزاى هاقدر أعيش ..من غير ما اشوفك تانى
و دارت السنين.. ولسه جوايا حنين
كلمات:
عاصم أحمد صلاح الدين
سوهاج