فيديو .. مذيعة التحرير للجيش: كلامكم عن عدم الإنقلاب "يحتاج لمراجعة"

أنتقدت مذيعة التحرير - رانيا بدوي - بعض التصريحات التي صدرت عن أحد قيادات القوات المسلحة في حضور الفريق السيسي والتي تحدثت عن عدم إنقلاب الجيش علي الرئيس .
وقالت بدوي : من يأمل في انقلاب الجيش .. ميأملش .. واللي بيحلم بنزول الجيش ميحلمش .. واللي بيفكر ان في خلاف بين الرئيس والجيش .. ميفكرش .. الناس زي السمنة علي العسل .. والمؤسسة العسكرية - مع كامل الاحترام ليها - تعرف حدودها .. وزمن الانقلابات العسكرية قد ولي .. والي بيقول جمال عبد الناصر عمل انقلاب كان عامله ضد المحتل مش علي الشرعية .. كلام واضح وفي حضور السيسي وقيادات الجيش .
وأضافت : أما بقي فكرة ان الشعب يبني والريس يشطب .. هو هيشطب بس مش عارفين علي ايه .. ولكن فكرة أن الشعب يبني والرئيس يجي يشطب الدهانات والكهربا - مع احترامنا لمؤسسة الجيش وإن شاء الله ميودوناش محكمة عسكرية لان مؤسسة الجيش زي مانتوا عارفين بتحترم الرأي الاخر - وأن فساد الرعية يؤدي لفساد الحاكم دة يحتاج لنقاش كتير .. والكلام أن "لا تلعن الظلام الدامس" ظاهره منطقي وباطنه علي غير الحقيقة .
وأردفت : الكلام عن أن فساد الشعب سبب فساد الحاكم .. طب يبقي فين الحاكم الملهم بقي؟ .. طالما ان الشعب هيشطب كل حاجة .. طب احنا محتاجين حاكم ليه اصلا؟ .. لكن إزاي أوقد شمعة وناس تانية بتوقد مولوتوف ؟ تيجي ازاي؟ .. المسائل يا سيادة العميد محتاجة لمراجعة لهذه التصريحات .
مشاهدة الفيديو