فيديو. محمود سعد: سأشترى 300 عبد لحمايتى

سخر الإعلامى محمود سعد من حالة الإنفلات الأمنى التى تشهدها مصر قائلاً :" خلاص انا هشتريلي 300 واحد مملوكي عشان يحموني .. مانا غني بقي .. حد له عندي حاجة ؟ دة قانون نازل . في واحد اغني مني اوي اسمه يوسف ندا هيجيب 3000 مملوكي .. وفي واحد علي علاقة بقطر هيجيب 20 الف .. نحن عائدين لعصر المماليك "
وتساءل سعد قائلاً : " هو مين اللي بيحكم ؟ وفين اللي بيحكم ؟ .. حتي لو جماعة الاخوان هي اللي بتحكم .. موافقين ماحنا اخترناهم .. لان مرسي لما اترشح مكناش نعرفه .. حتي في كتب الاخوان لا يوجد ذكر له ولا لعبد المنعم ابو الفتوح .. ولكن يوجد ذكر لبديع والبلتاجي والعريان وعاكف .. مشوفتش انا كتاب فيه محمد مرسي .
وأضاف سعد : احنا اخترنا مرسي عشان ميجيش شفيق ويحصل إحباط للشباب ولكننا بإختيارنا دة موتناهم .. خلاص موافقين ان الاخوان هي اللي بتحكم .. صندوق واتنيلنا حطينا صوتنا فيه .. الاخوان بتعمل ايه بقي ؟ .. ديروا البلد .. واعملوا الحكومة كلها اخوان بس ديروها .. مش يبقي كل هم الوزير الاخواني يجيب مستشارين ومساعدين إخوان .. ونائب محافظ إخوان والرئيس يقولك انا معنديش فكرة عن الحاجات دي وهبقي أشوفها .. ازاي معندوش فكرة ؟ يبقي يسأل خيرت الشاطر او المرشد .. او أي حد من فطاحل الاخوان .
وأردف سعد : احنا مش عارفين نرد نقول ايه .. احنا موافقين ان الاخوان تحكم .. بس فين الحكم ؟ فين البلد الممسوكة؟ .. فين اللي بيحلوا مشاكل الناس سياسيا ؟ .. مساعدين الرئيس قاعدين جمبه او بيروحوا واشنطن لامريكا لاسيادهم .. اما الناس اللي هنا دول ملهمش قيمة اللي يروح في داهية يروح في داهية .