بتخبي ايه يا وطن ولحد إمته بنزرعك ونرضعك دم الشهيدْ بتخبي ايه يا وطن لابس حداد من يوم ما شفتك يا وطن وأنا غنوتي دم الشهيدْ من يوم ما شفتك يا وطن شايل كفن لفّيته مره في السويس نفس الكفن في بورسعيد بتخبي إيه يا وطن لام العيال والفُقَرا تحت الجوع ودوستك يا وطن عمّال تزيد بتخبي إيه للضنا نفس السؤال لأم الشهيد بتخبي حاجة شفتها ملفوفة مرة بالعلم جنب العيون اللي اترسم فيها الوجع بين الوريد بتخبي إيه يا وطن للحلم لما تشوفه حتة فحم بين قطر الصعيد بتخبي إيه يا وطن في البدرشين لشحاتة واحمد والشهيد عبد المجيد بتخبي إيه دالوجع عمال يزيد بتخبني جواك ليالي العمر واخد فرحتي وخاطفها يوم العيد قضيت سنين العمر فيك موجوع أنا تلاتين سنة بين الأسى وبيت الجريد ما تقول لوجه الله سنين بتخبي إيه؟ ليه الفرح مغضوب عليه!! وحاجات كتيرة بتختفي قرّبت منّك يا وطن لسّااااااااااااااك بعيد أرسل مقالك للنشر هنا وتجنب ما يجرح المشاعر والمقدسات والآداب العامة [email protected]