طعيمة: ندمان على الأغنية اللي أهديتها ل"الخطيب" .. وبكره الأهلي

شن الشاعر الغنائي أمير طعيمة هجوما شرسا على النادي الأهلي في أعقاب هجوم الجماهير علىه بسبب دفاعه عن تركي آل الشيخ.
وقال "طعيمة" في تدوينة عبر حسابه ب"فيس بوك" : "الناس كلهم عارفين إني مش أهلاوي و لا زملكاوي و إن كان احترامي للأهلي ككيان احترام كبير، و عشان تفهموا اللي هقوله كويس لازم تدخلوا علي صفحتي الرسمية و تشوفوا تعليقات جمهور الأهلي المحترم علي آخر بوست رغم إنه بوست فني".
وأضاف: "المختصر المفيد أنا حاليا ما بكرهش في حياتي قد الأهلي طالما ده جمهوره، هتقولي قلة ؟ هقولك رغم إن مفيش تعليق واحد يتوصف بالاحترام لا علي فيس بوك و لا تويتر، بس حتي لو قلة يغوروا بناديهم، حاجة في منتهي القذارة و الوساخة و بعلن ندمي و اعتذاري لنفسي علي أغنية نادي المبادئ اللي أهديتها للخطيب في حملته الانتخابية".
واستدرك: "اللي مش عاجبه الكلمتين دول يخرج من عندي عشان ما اخسرش حد علي موضوع تافه .. ملحوظة مهمة: أنا عمري ما اتكلمت عن الاهلي او غيره بعدم احترام، بس طبعا ده كان ياما كان".
وأنهى كلامه قائلا: "تحديث: كلامي واضح انا قلت ان الاهلي بقي اكتر حاجة بكرهها في حياتي و ما قلتش اني بكره و هكره كل شخص بيشجع الاهلي، اكيد انا مش مجنون و فيه مقربين مني أهلاوية و اكيد محترمين".