فنان شهير: هذا أغرب موقف حدث لي داخل فيلا أحمد السقا

كشف الفنان "أمير كرارة" - مقدم برنامج "سهرانين" - أغرب موقف حدث له بفيلا الفنان أحمد السقا .
وقال "كرارة" في برنامجه المذاع على شاشة "أون إي": "في مرة رحت زرت أحمد السقا وكنا في الشتا وقالي يلا بينا ننزل حمام السباحة دلوقت .. فقررت إني أهرب منه عشان الدنيا برد .. فقولتله معنديش مايوه .. فجأة نادى المساعد بتاعه ولقيت مايوهات من كافة الأحجام والأشكال ، واتفقنا ننزل وبعدها نط هو في المية أما أنا فرجعت قعدت على الترابيزة تاني".
وأضاف: "بعدها حب يعمل فيا نفس المقلب وقالي تعالى ننزل حمام السباحة دانا مدفي المية .. فحاولت أهرب منه .. فقالي : تراهني أعدي حمام السباحة رايح جاي 5 مرات وأنا تحت المية؟ .. قولتله أراهنك .. نزل السقا تحت المية وطلع بعد نص حمام السباحة وقال (أنا خلصت) .. قولتله : بس أنت لسة معديتش الخمس مرات .. فلقيت واحد صاحبنا معانا بيقولي عديّها عديّها عشان الليلة دي تعدي على خير".