تلميح خطير من تامر أمين حول أزمة "شيرين"

ألمح الإعلامي تامر أمين - مقدم برنامج "الحياة اليوم" - إلى احتمالية أن تكون المطربة شيرين عبد الوهاب تذهب إلى المسرح للغناء وهي ليست في وعيها .
وقال "أمين" في برنامجه المذاع على قناة "الحياة" : "فارق كبير بين الموهبة اللي عند شيرين وبين السقوط في الإدارك والوعي والشخصية وقيمة النجومية ومسؤولية النجم".
وعن سخرية شيرين من مياه النيل ، قال: "نكتة سخيفة ومش في محلها بالإضافة إلى إسقاطها السياسي على مصر ونيل مصر اللي احنا بنفخر بيه أمام العالم ".
وتابع: "كانت صدمة شديدة ومواقع التواصل كلها سالخة شيرين والتريند اللي متصدر (هشرب من نيلها ومش هسمع شيرين) .. دة يرضيكي؟ .. وطبعًا دي مش السقطة الأولى ليها .. دي تالت أو رابع سقطة بعد تهجمها على الهضبة عمرو دياب وبعد ما قالت إن بنتها سألتها (تونس ولا بقدونس) والتونسيين زعلوا جدًا وانا اعتذرت لهم في برنامجي .. وأنا أخشى أن يبقى عندها مشكلة في الوعي لما بتطلع على المسرح . لازم نبحث في الحكاية دي لكي لا تنتهي شيرين فنيًا ودة هيزعلنا طبعًا".