سبع رسائل كتبها سلطان الغرام لحبيبته على الكورنيش

تركته حبيبته فسار يكتب لها على أسوار كورنيش النيل كل ما يمر به في حياته، قد تعود لنفس المكان الذي التقيا فيه أول مرة فترى كلماته وحنينه واشتياقه .
قصة "أحمد"، الذي لقب ب"سلطان الغرام" أصبحت حديث رواد التواصل الاجتماعي على موقع " فيس بوك" وكل من نشر صور لكلماته ورسائله لحبيبته التي تركته منذ أربعة أشهر ولا يعلم عنها شيئا سوى أنه ما زال يحبها وبعض الأمل الذي وضعه في نفسه فراح يكتب لها لعلها تمر من نفس المكان الذي التقيا فيه فترى كلماته ودموعه وآهاته.
في رسالته الأولى كتب لها : إزيك ؟ النهاردة أنا جاى أقولك إنك وحشتيني جدا بقالنا أربع شهور وأكتر منعرفش عن بعض حاجة وبرضو مش عارف انساكى وحشتنى كل حاجة بينا
ورسالته الثانية : يارب تكونى بخير.. حلمت بيكي أول إمبارح كنتى واقفه فنفس المكان ده بس كان شكلك تعبانة وكنتى بتسمعي الكلام.. بس فرحت إنى شوفتك يوم 1/1 قرب أهو كل سنة وإنتي بخير
رسالته الثالثة: إزيك؟ النهاردة جاى علشان أقولك كل سنة وانتي فقلبى حتى لو جت بعدك 100 واحدة كل سنة وإنتى أجمل حاجة حصلتلى فى حياتى وعارف إنها مش هاتتكرر تانى.. تعرفى إنى نفسي أشوفك وحشتينى أوى.
رسالته الرابعة: بصي أنا عارف إنك زعلانة منى بس أنا عمرى ما أقدر على زعلك ومقدرش أبعد عنك أو أتخيل يومى من غيرك ماتزعليش منى.. إنتى يلى بنظره صغيرة غيرتيلى حالى.
رسالته الخامسة: وحشتينى جداً جداً.. النهاردة أول يوم فى أول إجازة ليا.. مكنتش عارف أروح من غير ما أجى هنا.. عاوز أقولك إنى قضيت شهر مركز تدريب من أصعب أيام حياتى بس كنتى بتهونى عليا كتير جدًا كنت بشوفك فى حجات كتير حواليا.
رسالته السادسة: أوقات كتير كانوا بيقولو عليا كئيب مع إن كنت أكتر واحد بيعمل زيطة فى العنبر.. بس كنت عاوز الإجازة تكون أكبر من كدة.. الحرية والنيل كانوا واحشني جدًا.
رسالته السابعة: في أوقات هتمري من هنا هتعرفي قد إيه حبيتك وما حبتش غيرك إنتي في قلبي العمر كله وحشتيني.