صاحب محل بالوكالة يصاب بجلطة بعد قرار إخلائهم

تجولت عدسة "المصريون" في أنحاء شوارع منطقة وسط البلد ورصد فريق قسم "الفيديو" استياء أصحاب محلات وكالة البلح بعد إنذارهم بأخلائهم بالقوة لتنفيذ أعمال أنشاء خط جديد لمترو الأنفاق.
ويبدأ حسن إبراهيم محسوب، مالك محال كشري بالمنطقة: حديثه قائلا: "والدي أصيب بجلطة فى المخ أول ما سمع خبر إنهم هياخدوا المحل"، وتابع: "ميرضيش ربنا اللى بيحصل ده هما قالوا منفعة عامة مش فوق دماغنا ومصلحة مصر شىء يهمنا وعاوزين بلدنا أحسن بلد، بس لا ضرر ولا ضرار وربنا ميرضاش بالظلم".
وأضاف محسوب ل"المصريون": "عارضين علينا تعويض للمحل لأنه تمليك 280000 ألف جنيه يعنى سعر المتر الواحد 20000 جنيه والمحلات اللى في النصية الثانية يتم بيعه 3 ملايين جنيه ده ظلم وافتراء".
وتابع: "أنا معايا 3 عمال فى المحل, لو المحل اتقفل هيعيشوا منين وأنا هعيش إزاى وأولادى يصرفوا منين"، مرددا: انا مش ماشى من المحل إحنا بيوتنا هتنخرب".
وأوضح: "اللواء ياسر لواء هيئة مترو الأنفاق قال 30/9 هتمشوا قولنا ماشى موافقين، وأمر أصحاب محالات الملابس أنهم يشتروا اللبس الصيفى، ويبعوها فى العيد وإنهم هيمشونا بعد الموسم فوجئنا 25/5 يقولونا هتمشوا بالقوة الجبرية ، كده حرام مينفعش".