مواطنون لوزير التموين: "كله إلا المحشي"

"مش هنستغني عن المحشي، لازم اعمل محشي مرتين في الأسبوع، هو في حد يقدر يعيش من غير محشي، شعب مصر بيموت في أكل المحشي".. هذه الكلمات أطلقتها سيدات مصريات عندما قامت كاميرا "المصريون" برصد أهمية "المحشي" عندهن، وهل يمكنهن الاستغناء عنها؟
قالت إحدى السيدات: "كلو إلا المحشي أنا لازم اعمل محشي كل أسبوع"، وأضافت أخرى قائلة "شعب مصر بيموت في أكل المحشي وميقدرش يستغني عنه".
وقال عم "محروس" صاحب عربية "كشري": "أنا واحد من الناس مقدرش استغني عن الرز حتى بعد ما وصل سعر "الشكارة" ل180 جنيه لازم أجيبه علشان شغلي"، متابعًا "مش الرز بس الزيت والسكر كمان".
وفي نهاية التقرير قابلت مزارعًا بعربية "كرنب" يدعى "محيي الدين حجاب" تعجبت من رده: "أنا فلاح بزرع كرنب وبتنجان وببيع لناس عشان اقدر أعيش لما ميكلوش محشي أعيش منين"، مضيفًا "مراتي بتعمل المحشي في بيتنا عشان الخمس ارغفه اللي بخدهم مش بيكفوني وفرونا العيش وإحنا مش هناكل حاجة فيها رز".
جاء ذلك ردًا على تصريح محمد علي مصلحي، وزير التموين والتجارة الداخلية "بلاش محشي دلوقتي".