أسباب ظهور «جمال مبارك» بين المواطنين

«آسفين ياريس» تكشف..

نفى كريم حسين، أدمن صفحة "أنا آسف يا ريس" المؤيدة للرئيس الأسبق حسني مبارك، وجود علاقة بين ظهور نجل الأخير (جمال) وما تردد عن احتماليه ترشحه في الانتخابات الرئاسية المقبلة.
وظهر جمال الذي كان يشغل منصب أمين السياسات بالحزب "الوطني" الحاكم سابقًا في أكثر من مناسبة خلال الفترة الأخيرة، وكان آخرها ظهوره برفقة شقيقه الأكبر في مدينة 6أكتوبر، ما أثار التكهنات عن احتمال ترشحه للرئاسة.
غير أن حسين نفى ذلك، قائلاً في تدوينة عبر صفحته على موقع التواصل الاجتماعي "فيس بوك": "علشان نريحكم من صداع جمال مبارك، (جمال مبارك مترشحش طول ال 30 سنة فترة حكم أبوه وهو في السلطة وفي عز التأييد المطلق للرئيس مبارك داخليا وخارجيا، تفتكروا هيترشح دلوقتي بعد اللي عملتوه فيهم هو وأسرته طول ال 6 سنين اللي فاتوا دول من سجن لسجن وقضية لقضية؟".
وأضاف: "جمال مبارك اللي اتحرمت منه زوجته وبنته الطفلة اللي كان عمرها ساعتها لا يتجاوز السنة ونص وأنتوا فاتحين ليه درج القضايا يخلص قضية تطلعولوا الثانية في قمة فجر الخصومة، تفتكروا هيفكر تاني يترشح"؟".
وأوضح أن "جمال مبارك ما صدق نفسه إنه بعد عن السياسة وقرفها وخيانتها وفجر خصومتها ومركز مع بيته وأولاده وأسرته وازاي يعوضهم عن الفترة اللي السياسة اخدته منهم، تفتكروا ممكن يسيب كل ده ويترشح؟".
وتابع: "جمال مبارك الي اسم ومنصب ابوه و مسئوليات و الاحتياطات الامنية و القيل و القال كانت منعاه ينزل يقعد في كافية او يروح هو بنته يزوروا الاهرامات او يحضروا حفله في الاوبرا او حتي يزور زمايله القدامي في الدراسة، تفتكروا ممكن يسيب ده كله ويرجع تاني ويترشح؟".
وأشار إلى أنه "جمال مبارك الي شيلتوه هو وابوه واخوه حكم في قضية شكاير اسمنت وعلبتين بوية علشان تمنعوه انه يمارس اي عمل سياسي، تفتكروا بعد ده كله ممكن يترشح؟"، وجمال مبارك نفسه ما صدق نفسه انه اخيراً بقي مواطن عادي ممكن تقابله في مطعم قاعد بيتغدي في سينما قاعد بيتفرج علي فيلم تلاقيه ماشي جنبك في مول بيعمل شوبنج او في حفلة مدرسة بنته واقف بيصورها ولا في ماتش كورة بيتفررج وبيشجع زيك بالظبط، تفتكروا ممكن يسيب كل ده وممكن يترشح تاني؟".
واختتم قائلًا: "متخفش علي كرسيك يا بيه متخفيش علي ثورتك يا هانم اشبعوا بيهم وخلوا جمال مبارك بعيد عن كيد النسا السياسي بتاعكم ده وخلوه في حاله، مش ذنبه انه بعد كل اللي عملتوه فيه ده من اهانات و قضايا وحبس إنكم لسه شايفينه ان هو الوحيد اللي لايق عليه منصب اوكلمة رئيس معلش انا عاذركم والله اصل الهيبة والشخصية دي مبتتبعش ولا بتتشتري دي حاجة جمال مبارك ورثها ومولود بيها كدة لمؤخذة".